وقف تنفيذ خطة تخفيف الأحمال الكهربائية خلال شهر رمضان

كتبت _ سارة سبلة 

وافق مجلس الوزراء فى اجتماعه اليوم برئاسة الدكتور مصطفى مدبولي على وقف تنفيذ خطة تخفيف الأحمال الكهربائية خلال شهر رمضان الكريم، تيسيراً على المواطنين.

وكان الإعلامي عمرو أديب، قال الكثيرين تناولوا  موضوع موعد انقطاع الكهرباء في شهر رمضان، هل الأنسب قطعها قبل الإفطار أم بعد الإفطار، موضحا " في ناس كتير قالوا طبعًا لا قبل الفطار، إحنا بنعمل مليون حاجة بنطبخ والعيال راجعة من المدارس وجاي لنا ضيوف، وناس تانية قالت لا بعد الفطار بنتفرج على رامز ونصلي التراويح.. أنا مليش دعوة مش أنا اللى بقول وأتمنى لا يتقطع قبل أو بعد الفطار".

وقال خلال برنامجه "الحكاية" موجها حديثه للحكومة،" لو سمحتم مش عاوزين مفاجآت، متجيش قبل رمضان بيومين وتقول لي أنا عامله قبل أو بعد الفطار،الموضوع فى أيد الحكومة لا وزارة الكهرباء ولا وزارة البترول الموضوع تبع الحكومة".

ولفت إلى أنه لا يرغب في انقطاع التيار خلال شهر رمضان، لكنه يتفهم سبب لجوء الدولة لتخفيف الأحمال نتيجة الأزمة الاقتصادية، قائلا: "بما إن في اضطرار اتكلموا مع الناس، بلاش طريقة الجدول نزل ليلة رمضان، قولوا لنا ناويين تعملوا إيه بهدوء.. الناس مش ناقصة النور كمان، كفاية الأسعار ومفيش سكر".

وتابع " أتمنى تكون في مفاجأة لطيفة بمناسبة رمضان وتقول الحكومة إن الكهرباء تتقطع وقت صغير، أو يوم آه ويوم لا، أو متتقطعش خالص، المصريين بيعملوا حاجات كتير في رمضان"