تحمد الله على عدم وجود أطفال.. تعرف على سر عدم الإنجاب عند يسرا

كتبت - جهاد عامر

كشفت النجمة يسرا عبر لقائها في برنامج "كلام نواعم" الذي يذاع على قناة mbc1، عن الأسباب التي منعتها من إنجاب أطفال طيلة حياتها. 

وأشارت يسرا إلى عدم الشعور بالحزن لأنها لم تنجب أطفالًا، بل على العكس تحمد الله على ذلك، إذ كشفت عن سبب قرارها بعدم إنجاب أطفال.

وأكدت يسرا: "وأنا في التلاتينات كان عندي هاجس أني لازم أبقى أم لأني معطاءة بطبعي كنت هموت وأخلف، وبعدين حصل أني فقدت طفلين في جوازتي الأولى، لما اتجوزت خالد قولتله نخلف ملقتوش مبسوط من الموضوع دا وقال نشوف".

وتابعت موضحة: "قولت مش عاوز يخلف مني وسألته إن كان قلقان أني مكونش أم كويسة قالي أنتي الست الوحيدة اللي أتمنى أخلف منها لكن الزمن اللي هنخلف فيه على بال ما يكبر بعد 20 سنة هتبقى حياة مختلفة مش هيشوفوا اللي إحنا شفناه هتبقى حياتهم أسرع وسطحية وأنا مش عاوز أشوف عيالي كده، وأنا بعد فترة اقتنعت وبقول الحمد لله أني مخلفتش".

ووجهت يسرا رسالة إلى كل السيدات: "أوعوا تزعلوا من قدر ربنا مديهولكم قدر أنتم مش حاسين بيه، مع الوقت تخطيت الشعور وبالتجارب شفت ناس فقدوا أولادهم ومش قادرين يعيشوا وشفت ناس أولادهم عاصيين ليهم معرفش إيه ممكن كان يحصلي ممكن مكنش استحمل أن يكون عندي طفل ويموت وبالنسبة لي خالد هو حياتي وابني وجوزي ربنا عوضني وبقول للي ما خلفش ميزعلش واللي خلف يحمد ربنا".