"أنت بتدمر شيرين يا حسام".. بسمة وهبة تلقي اللوم على حسام حبيب بعد زيارته مع شيرين لفضل شاكر

كتبت - جهاد عامر 

أعربت الإعلامية بسمة وهبة عن غضبها بانفعال على الهواء، وذلك بعد زيارة شيرين عبد الوهاب وحسام حبيب لـ فضل شاكر، في مخيم بـ لبنان، حيث تعجبت بسمة من زيارة شيرين لـ شاكر، بعد الاتهامات الموجهة له في الفترة الأخيرة.

وانفعلت بسمة وهبة في برنامجها؛ قائلة: "شيرين وحسام عملوا كارثة لما زاروا فضل شاكر في لبنان.. إيه يا شيرين مفيش بجنيه واحد تفكير، أنتِ رايحة تعملي زيارة تزعل منك الشعب اللبناني والعربي، وكل محب لوطنه وكل ومحارب للإرهاب؟!، مجاش على بالك لحظة تفكير، وحسام مفكرلكيش لحظة يقولك لأ دا خطر على مستقبلك؟، مش أنت يا حسام مدير أعمالها والمسؤول عن تصرفاتها؟".

ووأردفت وهبة: "شيرين كانت رايحة تقابل شخصية عظيمة اسمها زياد الرحباني.. كانت رايحة للقمة أنت وديتها للقاع يا حسام، ليه يا شيرين سيبتي كل حاجة وروحتي تزوري فضل شاكر في المخيم؟!، دا كان أحلى من أنك تقابلي زياد الرحباني.. اشمعنا فضل شاكر الإرهابي.. معقولة أنتم طبييعين أنتِ وحسام؟". 

وتابعت بسمة وهبة معبرة عن استيائها من شيرين وحسام؛ مؤكدة: :أنا زعلانة عشانك وزعلانة من حسام.. أنت قلت إن في ناس بتدمرها مين اللي بيدمرها النهاردة؟، فضل شاكر بقا إرهابي شارك جامعات متطرفة في القتل؟، ولحد اللحظة مدفعش ثمن، واللبناني لسه مسامحوش لأن يده ملوثه بالدماء، مخك كان فين بتزعلي جمهورك ليه، بتدمري نفسك ليه متستلميش لحد يمشيكي". 

واختتمت بسمة حديثها موجهة اللوم على حسام: "مين اللي منزل فيديوهات شيرين؟، أنت يا حسام اللي منزلها؟، أنت مدير أعمالها والمسؤول، أنت بتدمر شيرين، دا الفن ضد الإرهاب يا شيرين".