أحمد الفيشاوي يرفض الندم على رسوماته: أنا فرعوني والتاتو من أيام الفراعنة

كتبت - أميرة محمد 

في حلقة جديدة من برنامج "على المسرح" على قناة "الحياة"، حل الفنان أحمد الفيشاوي ضيف على الإعلامية منى عبد الوهاب في نقاش حول حياته الشخصية ومهنته.

ومن بين المواضيع التي ناقشاها، كانت رسومات "التاتو" التي يزخر بها جسد الفيشاوي.

حيث صرّح قائلاً: "انا مش بندم على أي تاتو عملته ومش بمسح تاتو عشان أعمل تاتو جديد".

وأضاف:" التاتو من أيام الفراعنة وأنا فرعوني، والفراعنة كانوا بيرسموا على جسمهم ".

وتابع احمد الفيشاوي :" التاتو فلكور شعبي وأي تاتو أنا عمله مقتنع بيه ومش بفكر اشيله أو أغيره".

فيلم "أولاد رزق"

وعن سبب عدم مشاركته في فيلم ولاد رزق 3، قال:" مكنش فيه توافق في الوقت بما يسمح لي المشاركة في ولاد رزق 3 ".

وأستكمل قائلا:" الوقت مكنش سامح لمشاركتي في فيلم ولاد رزق 3 ".

وأضاف: "مواعيد تصوير الفيلم لم تتوافق مع مواعيدي وبالتالي اعتذرت عن المشاركة في الفيلم ".

مضيفا: "لم أنسحب بسبب نجومية أي بطل من ابطال الفيلم على حسابي ".

فيلم "عادل مش عادل"

وعن فيلم عادل مش عادل قال: "أنا راضي عن مشاركتي في فيلم عادل مش عادل والمنتج راضي عن إيرادات الفيلم".

واستكمل: "كل سنة يزداد حبي للسينما وصناعتها والدراما، وأبويا كان بيقولي على طول انت مش ملك نفسك انت بتاع الناس كلها".

واشار أحمد الفيشاوي:" انا عايز أعمل أفلام حلوة وعايز أكون مخرج لأعمال فنية في المستقبل".

وعن شربه للمخدرات قال: " انا بهرب من الشرب والمخدرات من زمان  وببعد عنه بأميال وهذا الأمر مستمر عليه منذ 7 سنوات وحتى الآن".

مشيرًا: " أنا عندي 43 سنة ولازم اهتم بصحتي ولازم أركز في عملي".

واكمل: " لما بدأت أمثل في عام 2000 طلبت من أبويا يعلمني طريقة التمثيل وقالي لازم تلتزم بالصدق في التمثيل".

تابع: "لأنك عارف إن الكلام اللي بتقوله أثناء التمثيل ممكن يكون ضد مبادئك ومعتقداتك ولازم تصدق أي شخصية تقوم بتقديمها ".

وتابع :" أنا عندي دكتور نفسي بروحله منذ 1997 ويقدم لي علاج نفسي وأذهب له في الكثير من الأحوال ".

وأضاف:" لو أنا عند طبيب نفسي هدعي ربنا وأقول يارب احرق كل الناس اللي بيقتلوا الأطفال والنساء في الشوارع

والمنازل في مناطق كثيرة بالعالم ".