شيرين تكشف عن معاناتها مع الاكتئاب: كنت بتمنى الموت

كتبت/ رقيه خالد 

حلت الفنانة شيرين عبد الوهاب اليوم الأربعاء ضيفة في ثاني حلقات بودكاست Big Time، الذي يقديمه الإعلامي عمرو أديب وأصالة.

وقد أبدت الفنانة بتصريحات  إحدى الفترات الصعبة التي مرت بها مؤخراً، قائلة إنها "تمنت الموت لها ولبناتها".

وأضافت شيرين خلال لقائها في بودكاست الثنائي أصالة وعمرو أديب، الذي يعرض على شاهد و MBC.

لتقول : "لما كانت الناس تشوفني في حفلة ويقولوا مش ده أداء شيرين اللي احنا نعرفها".

وأضافت: "وفي الوقت ده إحساسهم كان حقيقي لإني ما كنتش طبيعية فعلاً، وفي أول حفلة ليا في مهرجان قرطاج

لما وقعت فيها على المسرح".

متابعة: "بعد أزمتي وقعت وقعة غريبة جدا على ركبتي وقعدت فترة أتعالج وما حدش كان يعرف، وكان فيه حاجة غريبة بتحصلي".

وأضافت الفنانة "اللي بيأذيني مش حطاه في راسي نهائياً، بس أنا بتأثر جداً، والناس من حقها تعرف أنا كنت

تعبانة والظروف كانت معايا صعبة جداً".

واستكملت شيرين حديثها عن معاناتها لتصدم الجمهور وتقول: "فيه أوقات حاولت أموت وكنت بقول لربنا لو ما خدتنيش أنا هزعل منك اوي وخدني أنا وبناتي علشان أنا

مش هعرف أسيبهم في الدنيا لوحدهم".

كما تحدثت عن بعض الأشخاص الذين يغارون منها فقالت: "في ناس تانية لما تشوفها تقول دي ملاك لكن من جوا تموت مني، ربنا يكفينا شرها".

قبل أن تتوجه لأصالة وتقول لها "في واحدة معينة إنتِ عارفاها".

وعن موقف إنساني لا تنساه من أحلام قالت : "كنت جاية من العمرة وتعبانة وبعيط، مسكتني وعصرتني".

كما قالت: "وقلتلها أنا محتاجة لشيخ يقرالي قرأن عشان يحصنني، هي أحلام طيبة جداً وما شاء الله حافظة القرآن كويس".

وتناولت شيرين أيضاً الأدعية التي تذكرها خلال حياتها اليومية، قائلة أنها تردد دائماً "يا رب متخليش صفاتي الحلوة".

وتابعت: "هي تبقى سبب تعرضي للأذى في الدنيا يا رب استخدمني وأكون سبب في الأرض لخدمة الناس وتقديم العمل الإنساني".

وكشفت عن عثورها على كيس فيه رمل ومفتاح غرفة نومها، وعن قرينها لتقول "كل ما قريني بيتعبني بشغلو "صورة ق"".

وتابعت: "وهو يأتيني لما ساعات بحس بالخوف والبكاء من غير سبب، وقول الأوضة دي فيها ثعبان".

وأفصحت شيرين عن تفاصيل حياتها الجديدة، قائلة "بقى عندي أسلوب جديد في حياتي".

واستكملت: "كل حاجة اتغيرت وبلعب رياضة وابتعدت عن الأكل بشراهة، وبعد الساعة 2 بعد منتصف الليل مش بمسك التليفون".

وتحدثت عن المال قالت "الفلوس بالنسبة لي بقت مش أهم حاجة، بقيت محتاجة اللي أعيش بيه أنا وبناتي، واللي عندي بقول يا رب اعتبره مش ليا".

 مضيفة: "أنا عيشتي قبل الفن هي هي بعد الفن ما عنديش طباخين وسفرجية، عندي فدانين أرض زارعاهم كل الحاجات

اللي بحبها، وبحب الفول الحراتي بالكمون والجبنة القريش كأني باكل كافيار".

وكانت شيرين كشفت في البرومو التشويقي للحلقة عن بعض مشاكلها لتقول، بقالي 25 سنة بتسرق.

ثم أضافت طلبت الاستشارة من دكاترة نفسيين ومعرفوش يوصلوا لحاجه ولا حل لحالتي.