مها أحمد تتحدث عن نجلها من ذوي الهمم في "أسرار"
كتبت - فاطمة عاطف
حلت الفنانة مها أحمد اليوم، ضيفة على الإعلامية أميرة بدر، في برنامجها "أسرار"، الذى يذاع علي شاشة قناة النهار.
مها أحمد تتحدث عن نجلها من ذوي الهمم
وعلقت مها أحمد، خلال اللقاء لأول مرة على مرض نجلها من ذوي الهمم، قائلة: "عندي أحمد ابني من ذوي الهمم، والسبب في اللي حصله كان دكتور عمل خطأ طبي".
وتابعت : "لم أتخذ أي إجراء قضائي ضد الدكتور؛ لأنه مش هيرجعلي مخ ابني لأنه نقص أكسجين، والسبب أثناء عملية الوضع الدكتور شده بالشفاط".
وأكملت : "وبعدها خرجني ولدت في أوضة قيصري، ولو كنت قلت ساعتها عمرهم ما هيقولوا الحقيقة اللي حصلت جوه أوضة العمليات، وهو بالنسبالي الحياة".
كما قالت :"وممكن ربنا يكون عمل كده عشان أدخل الجنة أنا وجوزي من غير ما نتعب في الدنيا".
وقالت مها : "ابني لحد دلوقتي تعبه متعة وراحة بالنسبالي، أنا مش بعيط عشان أحمد كده، ولكن أحمد مالوش ذنب في كده".
وتابعت :"أنا لما كان بيرجّع كنت بدوق الترجيع، عشان طريقة الدوا كده فا بدوق عشان أعرف ده الدوا ولا لأ لأن دي سموم".
وأكملت : "أنا لازم احكيله ولو ضحك بعرف أن كده الموضوع اللي رايحة اعمله هيمشي، وأنا أي مكان بروحه باخده معايا ومجدي جوزي بيروح يشوف مكان مناسب عشان يبقى ينام فيه".
واستكملت :"واللي الناس متعرفوش أنى كل سنة بدخل بيه المستشفى عشان عنده نقص حديد، ومحدش يعرف حاجة غير أهلي".
" وعمري ما طلبت لا من النقابة ولا أي حد فلوس، ولا سعيت أني اجيبله معاش زي ما سيادة الرئيس عامل للأطفال ذوي الهمم".
" ولو بتاجر بابني كان زماني في كل بلد شوية".
واختتمت مها، قائلة :"هفضل اشتغل ع تيك توك، ولو جالي شغل في منصة هشتغل، وأنا دخلت الجنة وأنا في الدنيا، مش بعيط عشان اللي حصل لابني ولا أنه معيوب".
وقالت :"لو من عند ربنا عادي لكن لما يبقى خطأ طبي ده اللي بيزعل، وأنا في الجنة هسمع منه ياماما وهجوزه في الجنة وربنا واعدنا بكده، ولكل أم ابن كده بقولها اصبري هتشوفي هيبقى أزاي في الجنة".