صرفت على يسرا 3 مليون جنية.. تصريحات نجوي فؤاد في حبر سري
كتبت -أميرة الصياد
تحدثت الفنانة نجوى فؤاد عن موجة الانتقادات التي تعرضت لها بسبب صورة جريئة لها لصالح أحد الإعلانات.
وجاء ذلك خلال لقاء لها ببرنامج حبر سري المذاع عبر شاشة تلفزيون قناة القاهرة والناس، مع المذيعة أسما إبراهيم.
نجوي فؤاد تعارض اللبس العريان:
وقالت نجوي" الانتقاد يرجعلي أنا لأني بعارض بقالي 10 أو 15 سنة اللبس العريان زيادة عن اللزوم اللي اضافوه علينا الروسيات
والراقصات الجدد وأيامي مدير الرقابة دكتور يحيى حقي.
وأكملت: كان عندي حوالي 18 سنة اقترحت عليه يتحط حاجة شيفون على البطن تشد الوسط وتبقى الممنوع المرغوب وميبقاش الجسد عاري.
نجوى فؤاد: يسرا اتخلت عني:
وفي نفس السياق، كشفت نجوى فؤاد عن تخلي الفنانة يسرا عنها، فقالت: يسرا اتخلت عني ودلوقتي لما بتسمع أني مريضة وأنا بعيد عليها بفويس بترد عليها بفويس
بتقولي كل سنة وأنتي طيبة وازايك وازاي صحتك وبس ومش بتطمن عليا الا ما أكون تعبانة،
وتابعت : وأنا صرفت على يسرا في بداياتها 3 مليون جنيه ومابتسألش عليا ولو جات عرضت عليا 3 مليون جنيه دلوقتي
مش هوافق عشان هتعب إنسانيا ونفسيا.. عايزة احتاج لربنا مش لإنسان.
القصة الكاملة لـ مرض نجوى فؤاد:
وسبق وأن كشفت الفنانة نجوى فؤاد عن تعرضها لوعكة صحية مفاجئة
مشيرة إلى تدهور وضعها المادي بسبب عدم وجود معاش لها.
وجاء ذلك من خلال مقطع فيديو نشرته المذيعة سهير جودة عبر حسابها الشخصي على موقع التواصل الاجتماعي فيسبوك.
وقالت نجوى فؤاد في مقطع الفيديو: مفيش حد من الفنانيين ولا النقيب سأل فيا
بقالي 6 أشهر بتعذب ومليش معاش علشان إحنا موظفين بالقطعة،مفيش أي حاجة للفنان خالص، الواحد ضيع عمره ببلاش،
وقال لها الدكتور أشرف زكي المعاش أعتقد 600 جنيه، قولتلهم ده أنا بديهم للبواب
الرحمة من عند ربنا ولازم يدوا الفنانيين أكتر من اللي بياخدوه دلوقتي كتيرلأن إحنا خدنا ملاليم وهما بياخدوا ملايين، لازم يساعدوا الناس الغلابة اللي مش قادرة تجيب مضاد حيوي علشان تتعالج، لازم يبقى لينا حل.