لقاء الخميسي تحسم الجدل حول ديانتها في "أسرار"
كتبت - فاطمة عاطف
حلت الفنانة لقاء الخميسي، أمس، ضيفة على الإعلامية أميرة بدر، في برنامجها "أسرار"، الذي يذاع على شاشة قناة الحياة.
وقالت "الخميسي"خلال اللقاء :"أبويا مسلم فأنا مسلمة وأنا أسلمت قلبي لله ولكن أمي مسيحية".
وتابعت : "كل واحد جواه ربنا مفيش حد مش جواه ربنا، شايف ربنا إزاي أو معتنق ديانة إيه دي تخص كل إنسان مش أي شخص آخر".
وأضافت:"كل الديانات المسيحية واليهودية والإسلام بيتكلموا بنفس المنطق، ولكن كل دين له شكل في الوقت الذي أنزل فيه، وكل معتنقي هذه الديانات بتعرف ربنا".
ديانة والديها
وتطرقت في الحديث إلي اختلاف ديانات والديها، قائلة : "اتربيت في بيت والدتي مسيحية ووالدي مسلم".
وأكملت :"بس أمي عمرها ما دخلتنا في القصة دي، ومكنش فيه فرق بين والدي المسلم وأمي المسيحية".
وتابعت :"إنسان وإنسانة الاتنين بيعبدوا ربنا وأمي كانت بتصوم معانا رمضان مع إنها مش مضطرة لدا، وكانت بتصحينا نصلي الفجر وكانت بتصلي لربنا بطريقتها".
وقالت "الخميسي" :"وأنا روحت معاها مرات كتيرة الكنيسة وصليت جوا الكنيسة، هي نفس الصلاة بس الطقس المختلف بس بندعي ربنا هنا في الكنيسة وفي المسجد".
وجهة نظر لقاء الخميسي في الأديان
وتابعت لقاء خلال حديثها:"أنا شايفة إن المسلم زي اليهودي زي المسيحي، وكل واحد عنده أفكاره أتربي إزاي وقرأ إزاي وقرأ ايه وأنا قرأت كتير في الدين والتاريخ".
وأكملت :"بس الطبيعي إني تطلعي مسلمة أي أنها أسلمت قلبها للإله والمسيحي مسلم طبعا لإنه أسلم قلبه للإله، سلمت قلبي لربنا يعني".
وأشارت:"مفيش فروق بين الأديان هو نفس الكلام، احنا محتاجين نعرف ربنا، احنا جزء من ربنا، مش بيقولك ونفخنا فيه من روحنا؟ الطبيعي نطلع مسلمين يعني أسلمنا قلبنا بـ الإله، يبقى كلنا زي بعض".
وقالت الفنانة لقاء الخميسي :"أنا مع الديانة الإبراهيمية اللي دار الحديث عن تطبيقها أو وجودها، والدين يتحدث عن الله والله واحد مفيش غيره".
وتابعت :"وسيدنا إبراهيم هو الأساس، والثلاث ديانات زي بعض، وقبل ما يبقى فيه إسلام في مصر كانت البلد مسيحية، وقبلها كانت يهودية وبعدين دخل عمرو بن العاص مصر بقت إسلامية".