عصام شكري: بشوف شباب على التيك توك موهوبين وبقولهم ده

كتبت - أميرة محمد 

تصدر اسم الفنان عصام شكري محركات البحث بعد تصريحاته خلال حلوله ضيفًا على برنامج "المنسي" الذي تقدمه الإعلامية إنجي هشام على قناة "هي".

هاجم شكري بشدة دخول "البلوجرز" عالم التمثيل، قائلًا: "الناس بقى عندها وعي مين اللي بتشوفه وهل موهوب ولا لأ".

وانتقد المخرجين بسبب استعانتهم بالبلوجرز وفرضهم على الساحة رغم عدم رغبة الجمهور بهم.

وتابع: "العناصر اللي مش موهوبة بتعمل إزعاج ولغط على الممثلين اللي موجودين، وأنت كده أذيت ناس تانية".

وأضاف: "خلي الصورة تبقى واضحة وأنا بشوف شباب على التيك توك موهوبين وبقولهم ده، وأنا مش متعصب أوي ومش لازم اللي يشتغل يبقى خريج معهد السينما".

أكد شكري على قوة علاقاته بزملائه في الوسط الفني، حيث قال بإنه يمكن ألا يرى أصدقائه لمدة 10 سنوات ولكن عندما يتقبلوا يتعاملوا معا بشكل جيد وطيب.

أوضح أن علاقاته ليست سطحية وتقتصر على العمل فقط، قائلًا: "العلاقات الإنسانية عندي في الدرجة الأولى، وأنا على تواصل بفنانيين كتير دلوقتي".

وتابع: "أنا كنت من أكثر الناس حظًا أني اشتغلت مع فنانين كبار في الزمن ده، وكانوا بيعلمونا بشكل غير مباشر".

وأضاف: "واللي موجود دلوقتي لازم يحصل هذا الدمج لأني مش هعمل طول عمري الولد الصغير الرومانسي والشقي، أنا بكبر في السن وهيجيلي أدوار تانية تتناسب مع شكلي وسني".