عصام عمر: لا أحب الفلاتر وأعيش في اللالالاند

كتبت - أميرة محمد 

استضيف الفنان عصام عمر في برنامج "ألبوم صور" مع إيناس سلامة الشواف عبر محطة راديو إنرجي 92.1 .

كشف عصام عمر عن تفضيله نشر صور أعماله الفنية على الصور الشخصية، قائلًا: "بحب الصور توصل شغلي لكن قليل أوي لما بطلع حاجة شخصية". 

وأضاف:" بهتم صورتي تبقى حقيقية ومش بحب الفلاتر .. ولو حد فهمني غلط في البداية كنت مبحبش أحسن صورتي بس لما كبرت في ناس مهمة في حياتي لازم أقولهم الحكاية مباشرة".

تحدث عصام عمر عن تغير نظرته للناس مع تقدمه في العمر، قائلًا: "واحنا صغيرين كنا بنحكم بالشكل بس لما بتكبر بنعرف إن محدش غلطان بالكامل والناس كلها معذورة". 

وعن صفاته الشخصية وطباع قال عصام: "محدش مسموح له يشوف عيوبي ومش كل الناس لازم تعرف كل حاجة". 

وأضاف: "ومبحبش أقرب من الناس أوي.. بحب أعيش في اللالالاند عشان لو قربت من الناس هشوف حاجات مش هتعجبني". 

وكشف عن علاقته بعائلته قائلا:"كل الناس قابلة للتعويض ما عدا عمي وأبويا وبخاف على زعلهم أوي".