أحمد فهمي: كنت رافض إن مراتي تشتغل.. وعمري ما كنت متدلع

كتبت - أميرة محمد 

في لقاء مع الإعلامية أسما إبراهيم ، في برنامج حبر سري، المذاع على قناة "القاهرة والناس"، كشف الفنان أحمد فهمي عن رفضه لعمل زوجته.

قائلًا: "كنت رافض إن مراتي تشتغل وده لأني بأغير عليها وبعد كده لما فرت بعقلانية لقيت إن ده كان ظلم ليها".

تابع: "ونصيحة والدي لما أوصل لسن 45 سنة قاللي اشتغل بكل قلبك علشان تأمّن نفسك لما توصل لعمر 45 تقدر تكون معاك فلوس تعيش بيها مرتاح أنت وعيلتك".

وعن اكتشافه بإصابته بمرض القلب قال: "اكتشفت إصابتي بمرض في القلب فجأة في عام 2016 بعد إجراء إشاعات وفحوصات طبية لطبيب التخسيس"

وأضاف: "لما أبويا توفى كان من حقي أتدخل في حياة إخواتي البنات، وبقيت تقريباً أبوهم فالتدخل إني لازم أبقى موجود وضهر وداعم ليهم، عندي 5 إخوات بنات وبقيت أبوهم بعد وفاة الأب".

وتابع: "عمري ما كنت متدلع، أبويا فرض علي طريقة في التعامل وأنا صغير علشان أطلع راجل". 

واستكمل: "ومن وأنا عندي 8 سنين ابتديت اشتغل برة المزيكا، وكنت بحاول أوفّر فلوس على أبويا".