"حورية فرغلي" تروي قصتها مع الجن وسبب غيابها عن الفن

كتبت -أميرة الصياد

حلت الفنانة حورية فرغلي، ضيفة على برنامج العرافة الذي تقدمه الإعلامية بسمة وهبة، وتحدثت خلال لقائها عن معاناتها مع الجن.

حكاية حورية فرغلي مع الجن:

ووجهت بسمة وهبة سؤال للفنانة حورية فرغلي، قائلة: الناس قالوا إنك بتشوفي الجن عشان عندك اضطرابات نفسية، فهمينا إيه اللي بيحصل في البيت عندك.

وردت حورية فرغلي قائلة: أولا اللي في البيت عندي ده ملوش علاقة بالجن ولا السحر.. أنا كنت اشتريت الشقة دي

وكانت مقفولة لسنين طويلة لأنها كانت بتاعت الأستاذ محمد عبد الوهاب.

وواصلت حديثها: اشتريت الشقة 2013، في مرة كنت قاعدة في الشقة لقيت الشغالة داخلة عليا بالغداء، وبقولها ليه جايبة الأكل دلوقتي.

قالتلي حضرتك اللي طلبتي فاستغربت، وفي مرة تانية لقيت في الصالة بنت صغيرة قاعدة.

تابعت حورية فرغلي: ومرة تالتة شوفت ولد صغير قاعد على السفرة، وكمان جرس البيت كان بيرن لوحده، في الأول خفت من الحاجات اللي بتظهر دي كتير.

ولكن دلوقتي مبقتش أشوفهم زي الأول، وبسبب الموضوع ده سواقين وخدامين مشيوا من عندي.

لترد عليها بسمة وهبة قائلة: مشيوا بسبب تصرفاتك إنتي جننتيهم، ويمكن يكونوا شافوا أنك ملبوسة.

سبب غياب حورية عن الفن :

وسبق وأن كشفت الفنانة حورية فرغلي، سبب غيابها عن الوسط الفني خلال الفترة الماضية، حيث

قالت أنا مش غايبة بمزاجي وكنت بعمل عمليات واللي غبتهم 3 سنين بس.

ومكنتش بتدلع والحمد لله تعالجت وكفاية إني عالجت نفسي من جوه بعد اللي شوفته، ولوحد عاوز إني أشتغل معاه في عمل هما عارفين بيتي، لكن لو مش عاوزين خلاص براحتهم.