ياسر جلال يتبرع بـ 3 ملايين جنيه ل «صندوق تحيا مصر»
كتب : سعيد شاهين
أعلن النجم ياسر جلال، عن تبرعه بمبلغ ثلاثة ملايين جنيه لصالح "صندوق تحيا مصر" وتعد المرة الأولى التي يقوم فيها النجم ياسر جلال، بالإعلان عن التبرع، وعن جهة التبرع وكشف أسباب ذلك.
وأضاف ياسر جلال قائلا: "المرة دي بأعلن عن الجهة، والمبلغ اللي اتبرعت بيه لأني بأتمني إن كلنا نشترك ونعمل اللي نقدر عليه، وأدعو زملائي النجوم إنهم يتبرعوا باللي يقدروا عليه.
واستطرد قائلا: أنا عارف ان في كتير منهم قاموا بالتبرع قبل كده، بس لو عملوا ده تاني يبقي شيء عظيم".
وتابع كلامه قائلا: "يعلم ربنا ان السبب اللي خلاني أعمل كده هو الأزمة اللي بتمر بيها « مصر »، ودلوقتي أنا راجل لا غاوي شهرة ولا نجومية، أنا بشتغل وبخلص شغلي وبروح أقعد مع مراتي وأولادي وبعمل ده لان كلنا شايفين ان البلد بتمر بأزمة كبيرة والعالم كله بيمر بأزمة كبيرة وإن شاء الله الأزمة تعدي لما كلنا نقف جنب بعض"، وحرص على إنهاء حديثه بالدعاء لمصر .