فاروق فلوكس: محمد رمضان ممثل شاطر وله قبول

كتبت -أميرة الصياد 

حل الفنان فاروق فلوكس، ضيف علي الإعلامية إنجي إبراهيم، ببرنامج "المنسي" المذاع علي قناة هي ، كما تصدر إسمه محركات البحث جوجل.

وجاء ذلك عقب تصريحاته الأخيرة التي صرح بها بشأن أعماله الفنية وأدوراه فيها، وحديثه على الفنان محمد رمضان.

رد فاروق فلوكس على محمد رمضان:

ورد الفنان فاروق فلوكس في لقائه على تصريحات محمد رمضان، قائلًا: «محمد رمضان قال مقدرش أعمل دور صبي عالمة».

وأضاف : «أنا مقدرش أطلع بلطجي في مسلسل، هو كان عنده كام سنة لما أنا عملت الراقصة والسياسي؟ إشمعنى فاروق فلوكس؟ ما خالد الصاوي وغيري عمل الشخصية دي، وأنا بقى مقدرش أمسك عصاية وأعمل خناقة، مينفعش معايا لا شكلًا ولا موضوعًا».

وتابع فلوكس حديثه عن محمد رمضان، قائلًا: «هو له قدرة على كدة ودي حبكة درامية عنده بيحبها، وأنا لا أعيبه ولكن هو يعيب فيا وهو عيل صغير؟، هو ممثل شاطر وله قبول، يخليه بعيد عن الناس القديمة اللي زينا».

دور فاروق فلوكس في فيلم الراقصة والسياسي:

وأردف قائلًا: «دوري في الراقصة والسياسي، الأستاذ وحيد حامد الله يرحمه كلمني وقالي في رواية لفيلم أنا عامله عايزك تشتغل معايا فيه، قولتله هو أنا أطول أشتغل معاك؟، 

وقرأت الرواية وطيرت بيها، والشخصية كانت لونة وبتتعاطى المخدرات».

 متابعًا: «وكان لازم أخفف الشخصية بالشكل اللي عملته فيها، وإلا كان هيبقى دمه تقيل أوي».