ياسمين صبري: "عشت حياة صعبة".. ووالدها يكذبها ويكشف مفاجأة
كتبت - أميرة محمد
أثارت تصريحات الفنانة ياسمين صبرى الجدل عن نشأتها وعائلتها، بعد ظهورها في برنامج بودكاست مع الإعلامي عمرو أديب.
خرج والد ياسمين صبرى عن صمته ليُكشف عن مفاجأة جديدة.
حيث قال أشرف صبرى: "بعد الواحد ما كبر ويشوف ولاده يحمد ربنا اتربوا كويس رغم أننا طبقة متوسطة عاشوا في بيت ابوهم وبناتي كانوا في مدرسة انجليزية بتاعة الطبقة المتوسطة".
وأضاف: "وكنت مهتم تكون مربيتهم فلبينية عشان يتكلموا اللغة الإنجليزية كويس بتاعة الطبقة المتوسطة".
واستكمل: "واشتغلت طبيب واتعلمت بره عشان انجح اولادي في الطبقة دي وابني كان في مدرسة فيكتوريا".
وتابع : دلوقتي ابني في اميركا بيشتغل بعد ما جوزته الحمدلله ونرمينة بنتي جوزها دكتور اطفال من الطبقة المتوسطة والتانية فنانة – يقصد ياسمين - وعندي بنت أخرى فرنساوية".
واستكمل: "كنت بفسحهم دايما في اليخت بتاعي الصغير بتاع الطبقة المتوسطة! ولما باتفرج علي حفيدتي اما بافرح ومنتظر عم بلال يجيب ولي العهد يارب".
وأشار: "وكلهم بيحبوا ابوهم والكسندرا حتتجنن وتيجي مصر لأنها مع أمها في فرنسا عشان تقعد مع أبوها".
وأضاف: "وهي الوحيدة البعيدة لكنها لها أم محترمة تعرف تخلي ابوها رمز حتى لو بعيد ومنتظر وصولها بفارغ الصبر".
وتابع قائلا: "احيانا يطلع عيل من عيالك براوي وناكر للجميل ويتكلم كأنه بيمثل فيلم كله اختراعات لكن دي سنة الحياة المهم إنهم كويسين وبخير".
وانهي كلامه قائلًا: "واحب اوضح اننا كنا سعداء في الطبقة المتوسطة دلوقتي الحمدلله انتقلنا إلى الطبقة الأقل من المتوسطة وربنا يستر ما ننزلقش إلى تحت الأرض".
وكانت صرحت ياسمين صبرى بأنها نشأت في عائلة متوسطة وأن جدتها هي من تولت تربيتها.
وقالت ياسمين صبرى أنها التحقت بمدارس حكومية في بداية حياتها التعليمية.
وأكدت ياسمين صبرى أنها بدأت أول عمل لها في مكتبة الإسكندرية، وأنها تمكنت من امتلاك سيارة بنظام التقسيط.