محمد حماقي: الفنان حساس والنقد بيضايقني بس ما بيجرحنيش

كتبت - أميرة محمد 

كشف المطرب محمد حماقي عن مشاعره لحظة ولادة ابنته فاطمة، خلال استضافته في برنامج بودكاست بيج تايم مع عمرو أديب على قنوات إم بي سي ومنصة شاهد.

قال حماقي: "دخلت العمليات عند ولادة بنتي وحسيت ساعتها كأنه شريان جديد واتفتح واتولدت مشاعر عمرها ما كانت موجودة والعلاقة بتطور كل سنة".

وأضاف: "مش هجوز بنتي فاطمة طوال ما أنا عايش، وقلت لهم لما أموت أبقوا جوزوها".

واستكمل: "لا يمكن اديها للراجل، أنا أسوأ من الزعيم عادل إمام في عريس من جهة أمنية، وده غلط وأنا عارف إنه غلط".

وعن رأيه في السوشيال ميديا قال: "الجمهور فجأة بقى يمسك مايك والناس بقت تتكلم معاك وده خلى فيه البعض يتطاول على الفنان". 

وتابع: "والناس مش فاهمة ان الفنان في النهاية هدفه إسعاد الجمهور".

وأضاف: "الفنان حساس وده مش كلام برامج بس فكرة طرح وجهات النظر بقى غريب وما بقتش اهتم بالتعليقات اللي بتجي لي على أي حاجة بنزلها".

وأوضح: "والنقد بيضايقني بس ما بيجرحنيش وأكتر حاجة بتضايقني التدني في الذوق".