"ده انا هبوسه".. إيناس الدغيدي تكشف سبب تقبيل يسرا لـ "عز"

كتبت -أميرة الصياد 

حلت المخرجة إيناس الدغيدي ضيفة على الإعلامية أميرة بدر، في برنامج "أسرار" والذي يذاع على قناة النهار.

وكشفت عدد من التصريحات النارية عن حياتها.

كشفت إيناس الدغيدي، عن سبب اختيار الفنانة يسرا لـ أحمد عز في فيلم كلام في الليل.

تصريحات إيناس الدغيدي:

صرحت إيناس الدغيدي، خلال لقائها: "وأنا بحضر لفيلم كلام الليل كنت بقابل في اليوم 40 واحد عايزين يمثلوا.

وأكملت : واخترت أحمد عز من كاست وكان موديل إعلانات وقتها، رفضته في الأول، عشان مكنش مناسب سنا".

وتابعت: "عشان كان أصغر بكتير من يسرا ومش هينفع، الفيلم كان فيه بوسة

وقالتلي يسرا مين الراجل اللي هيبوسني، قلتلها جايبالك واحد كويس.

وأردفت قائلة: "عشان مش عايزة تتباس من أي حد، لما شافته قالتلي هو ده اللي اخترتيه طب أنتي بصيتي على سنانه، مش هينفع أبوسه عشان سنانه كلها سودة ".

وأوضحت الدغيدي: "المنتج كان مقتنع بـ أحمد عز عشان وسامته

وراح قال ليسرا فيه واحد كويس أوي بس إيناس شايفة أنه صغير، لما شافته قالتلي ده أنا هبوسه لكن اللي إنتي مختاراه مش هينفع ".

وواصلت حديثها: "قلتلها ده صغير، قالتلي ماليش دعوة، وعمل الدور حلو جدًا، والبوسة طلعت حلوة، وبعدها راح اتعلم

 وجالي أحمد عز قالي عايز أعمل فيلم، عملت به مذكرات مراهقة، وعز تطور جدًا، ومجتهد ومركز وعنده هدف.