محمد محمود عن سمير غانم: مكنش عنده مشكلة مع حد وملهوش أعداء

كتبت - فاطمة عاطف 

حل الفنان محمد محمود، ضيفًا على الإعلامية إنجي على، في إحدى حلقات برنامجها "نجوم رمضان أقربلك". 

وتحدث الفنان محمد محمود خلال اللقاء عن علاقته بنجم الكوميديا الراحل سمير غانم. 

كما ذكر موقف حدث له أثناء عرض إحدي مسرحيات الراحل.

وقال "محمود": "أشتغلت مع سمير غانم 5 مسرحيات، ولفينا جميع الدول العربية، أستاذ سمير غانم في الكواليس مكنش ليه صوت". 

وتابع :"مكنش عنده مشكلة مع حد ملهوش أعداء وعمري ما سمعته بيذم في حد، بيتعامل مع الناس كلهم سواسية". 

و أضاف: "كان فيه مسرحية وأول مرة أتعامل مع سمير غانم، وفي نص المسرحية قولت إفيه خاص به، وبعد المسرحية دخلتله الأوضة".

وأكمل :"وكنت فاكره هيبقي مضايق، وقالي الأفيه اللي أنت قولته أعلي من بتاعي، والأفيه بتاعي مش مشكلة ربنا هيرزقني بواحد تاني". 

واختتم محمد محمود حواره، قائلًا :"أشتغلت مع سمير 20 سنة، وأما كنت بعتذر عن مسرحية كان يبعتلي ويقولي أعتذرت ليه". 

وتابع :"أنت بالنسبالي الجوكر، أنا عايزك معايا وطول ما أنت واقف على المسرح أنا ببقي مطمن".