إسلام جمال عن "بيتر ميمي": مركز أوي ودا اللي خلاني شاركت في الحشاشين

كتبت – نورهان الكردي

شارك الفنان إسلام جمال، في مسلسل الحشاشين، بالموسم الرمضاني 2024، مع المخرج بيتر ميمي، وصرح بشأن هذا الأمر.

تحدث الفنان إسلام جمال، عن تعامل مخرج مسلسل الحشاشين "بيتر ميمي" معه خلال التصوير في تصريح صحفي.

وقال: "الحقيقة إن الشغل مع دكتور بيتر ميمي بيخلي الممثل وهو بيشتغل لو هيتعامل إن دا ماتش بيبقى قلبه على Game، لأنه بيبقى شايف إن الراجل دا".

وتابع: "قلبه على الشغل أوي لأنه دايما عايز يعمل كل حاجة كويسة، ومش بيبطل شغل خالص".

وأضاف: "كان بيكلمني يناقشني في مشهد هصوره كمان أربع شهور، لأنه قاعد وبيحضر وبيذاكر، ونتناقش ويلفت نظري لحاجة".

واستطرد إسلام قائلًا: "مش سهل خالص إننا نشتغل مع مخرج مركز أوي، وواخد باله على كل تفاصيل المسلسل".

وأكمل: "ودا اللى خلاني شاركت في الحشاشين بس في رمضان 2024، علشان ماكنتش قادر المسلسل كبير".

واختتم اسلام جمال حديثه قائلًا: "وأنا كمان كنت عايز أحط كل تركيزي على دوري في العمل، ولو رجع بيا الوقت هعمل كده تاني، مكنش ينفع، هو حالة مش عايز أخرج منها".

جسد الفنان إسلام جمال خلال أحداث مسلسل الحشاشين، شخصية " ملك شاه" من الدولة السلجوقية.

مسلسل الحشاشين:

قدم الفنان كريم عبد العزيز مسلسل الحشاشين في الموسم الرمضاني 2024، والذي حقق نجاحًا مبهرًا على الصعيد المحلي والعالمي.

وتدور الأحداث حول حسن بن الصباح مؤسس جماعة الحشاشين.

والمسلسل من بطولة: كريم عبد العزيز، أحمد عيد، سامي الشيخ، فتحي عبد الوهاب، إسلام جمال، نيقولا معوض، أحمد عبد الوهاب، وآخرون.

والعمل من تأليف عبد الرحيم كمال، وإخراج بيتر ميمي.