صبري خليل يتصدر الترند: التقاليد المصرية جايبانا ورا التيسير شئ ضروري

كتبت – نورهان الكردي

كشف الفنان صبحي خليل، والد داليا زوجة الفنان أحمد عبد الوهاب، عن تفاصيل خاصة بزواج ابنته والتي قد تم فقط في 10 أيام.

وتحدث الفنان صبحي خليل في تصريح صحفي عن زواج ابنته.

وقال: "زواج داليا بنتي كان نموذج لأي حد، وأنه يحصل فرح في الكام يوم دول ده بس علشان هما نيتهم طيبة ومخلصين لبعض جدا".

وتابع: "ودايما بالتيسير بتحصل كل حاجة والتيسير في كل حاجة شيء ضروري، ولازم نيسر في الزواج".

وأضاف: "التقاليد المصرية اللي بنشوفها في الزواج هي اللي جايبانا ورا، ومخليه حالات العنوسة كتيرة".

وأردف: "ومخلية حالات الانفصال في أول سنة زواج كتيرة جدا، ودا بسبب التعنت والقايمة أنا هتشرط على العريس ليه".

واستكمل: "وأنا بديله أعز ما أملك وهي بنتي، وأنا كنت شايف إن قيمة بنتي أغلى من أي قايمة وأغلى من أي حاجة".

واختتم حديثه قائلًا: "داليا نيتها طيبة والزواج تم بسرعة بس طلع حلو بسبب نيتها..

وربنا طلب مننا نيسر الدنيا، وشيء مهم إننا نيسر للناس حياتهم".

قصة زواج أحمد عبد الوهاب وداليا:

تحدث الفنان أحمد عبد الوهاب، في لقائه أمس مع الإعلامية منى الشاذلي، عن زواجه بداليا صبحي خليل.

وقال: "كل اللي يعرفنا عارف إنها علاقة غير طبيعية، مفيش بيني وبينه حاجات لازم نرسمها على بعض علشان نبقى كيوت".

وتابع: احنا مطرقعين وده أهم ما يميز العلاقة، فرحنا اتعمل في 10 أيام، سألت والدها وحددنا الموعد بعد أسبوعين".

وأضاف: "وكانت الشقة تمام لكن ناقصة حاجات كتير لازم نشتريها ومفيش مطبخ، حجزنا مكان الفرح قبله بأسبوع".

وأردف قائلًا: "واتجوزنا وقعدنا في الأوتيل يوم، وكان المفروض نسافر شهر عسل، لكن حصلت مشكلة في الورق ورجعنا البيت"

واستكمل: "وهو فاضي تماما، وحطينا غلاية الشاي على كرتونة كإننا احنا اللي بنشطب الشقة".

واختتم أحمد عبد الوهاب حديثه قائلًا: "وكنا محتاجين نشتري حاجة ومفيش عندي لبس غير بدلة الفرح".