"أنا عمرو دياب الغلابة".. أبرز تصريحات بيكا في برنامج "العرافة"

كتبت- زينب سعيد

صرح مغني المهرجانات حمو بيكا، بالعديد من الأسرار ،وخلال لقائه في برنامج "العرافة" مع الإعلامية بسمة وهبة، وإن ما يقدمه أداء وليس غناء.

وخلال لقائه قال حمو بيكا أنا اللي ساعدت عمر كمال وحسن شاكوش اللي كنت بوجهه قدام الميكروفون، وأنا كنت عمرو دياب الغلابة وعندي الدليل".

وأضاف "حمو بيكا "أن حسن شاكوش مكنش عنده استوديو وهو بيحط ممول عشان أغانيه تجيب مشاهدات، أول أغنية عملتها لحسن شاكوش جابت 15 مليون مشاهدة.

وتابع "بيكا" حديثه عن أزمته مع نقابة الموسيقين خلال فترة النقيب هاني شاكر ، وقال "كل اللي هاني شاكر عمله معايا إنه قعدنا في البيت، وأنا راضي بالقانون".

واستكمل حمو بيكا "ربنا جابلي حقي وجابلنا نقيب ربنا يخليه لينا، والمجلس القديم جايبنلي مدرس يقولي لا ليه لا، وهاني شاكر على دماغنا وكل اللي هو عمله إحنا عملناه برضو.

واختتم "بيكا "وافقنا على رغبة مصطفى كامل، وأصبحنا نطلق على المهرجانات اسم أغاني ولا نشعر بالحزن مطلقا.