الطفل عمر شريف يوجه رسالة شكر لـ "طه دسوقي".. شكراً إنك فرحتنى

كتبت-زينب سعيد

أعرب الطفل عمر شريف عبر حسابه على موقع التواصل الاجتماعي Facebook، عن امتنانه للفنان الشاب طه الدسوقي، بعد لفتته معه في حفل People's Choice Awards حفل توزيع جوائز اختيار الجمهور.

وكان طه دسوقي فاز بجائزة أفضل ممثل صاعد عن دوره في مسلسل "الصفارة" واختار أن يهديها للطفل عمر الشريف عن دوره في مسلسل "تحت الوصاية"

وكتب عمر شريف: "امبارح كنت مدعو لاحتفال توزيع جوائز رمضان في مهرجان creative summit وتم اعلان عن جوايز أحسن ممثل صاعد وفاز بيها الفنان طه دسوقي اللي انا بجد بحبه أوي".

وأضاف: "اتفاجأت لما طه طلع على المسرح عشان يستلم جائزة الفنان أحمد أمين انه بيقول اسمحولي اهدي جائزة احسن ممثل صاعد لعمر شريف وده اللي أنا كاتب البوست عشانه، أنا مش عارف أوصف اللي حسيت بيه في اللحظة دي بأي كلام بجد دي لحظة عمري مهنساها في حياتي.. كنت بجد مبسوط أوي أوي.. عمري محسيت أني مبسوط في حياتي زي اللحظة دي".

وتابع: "شكرا جدا طه دسوقى انك فرحتنى الفرحه دى، ودى حاجه انا مش هنسهالك العمر كله انا بحبك اوى، شكرا استاذ شاكر على الحضرتك وصلتنى لى كل ده بفضل مجهودك ونصايحك وثقتك فيه".

واختتم: "شكرًا الفنانة منى على كل حاجة وعلى النجاح اللى حققته عشان مثلت مع ممثله عظيمه زيك، شكرا أستاذ عمرو سلامة على كل حاجه عملتها وهفضل اشكرك فكل مره هحس فيها بفرحه ونجاح لانك دايما هتكون سبب كبير فيها وانا حبى ليك كبير اوى".

وصعد عمر شريف على خشبة المسرح لاستلام جائزته من طه دسوقي، وانهار من البكاء ثم سجد على الأرض شكر لله، تعبيرا عن سعادته بعد حصوله على الجائزة.