مواطنة للرئيس: "لولا توجيهات سيادتك كان زماني مشردة أنا وعيالي"

كتبت-زينب سعيد

استمع الرئيس عبدالفتاح السيسي، للمواطنة فتحية خميس، من أهالي قرية الأبعادية بمحافظة البحيرة، والتي أكدت أنها استمدت قوتها من توجيهاته بالإصرار والعزيمة على تحقيق أهدافها.

وقالت فتحية، في حوار دار بينها وبين الرئيس السيسي خلال تفقده لعدد من مشروعات «حياة كريمة»،: "لولا توجيهات سيادتكم والدكتور مصطفى مدبولي والوزير هشام آمنة كان زماني مُشردة أنا وأولادي".

وأضافت: «أنا مسكت في كلمة حضرتك قولتها من 5 سنين إن الست قوية وتقدر تشتغل كل حاجة، ومسكت فيها وعملت لها دراسة جدوى ليا، والكلمة دي بقت ضهري وسندي، واتعلمت السواقة وسوقت ومشيت بقلب جامد ولما بمشي بقول الرئيس قال كده وخلاص، وكمان اتكرمت كأم مثالية في البحيرة، حضرتك فخر لينا ونصرة للمرأة».

وقال السيسي، إنّ المرحلة الأولى من مشروع حياة كريمة كان مقرر أن تنتهي منذ عام، وكانت تكلفتها تتراوح بين 200 لـ250 مليار جنيه.

وتابع أنّه بسبب الأحداث التي شهدها العالم، ارتفعت التكلفة إلى 350 مليار جنيه.

وأضاف: «يعني الـ3 مراحل يعدوا 1000 مليار جنيه، دي مش فلوسي ولا فلوس الحكومة، دي فلوسكم».

وقالت إحدى المواطنات للرئيس: «نورتنا وشرفتنا ياريّس، وأنا دلوقتي بافتخر إنّي من قرية الأبعادية، لأن حضرتك عملت لنا حياة كريمة وحاجات جميلة جدا في القرية، وبقي عندنا طب أسرة، ودلوقتي بدل المريض في البيت محتارة أروح بيه فين ممكن يموت عندي بالليل، وبدل ما نجري بيه على دمنهور دلوقتي بنروح بيه طب الأسرة جنبنا هنا».

وتابعت: «كتر خيرك عملت لنا مركز تكنولوجيا للستات الكبار بدل ما يروحوا لمشاوير طويلة، وبنشكر حياة كريمة لأنها وقفت جنبي لأن جوزي متوفي وأنا أرملة وعينت ابني عشان يصرف عليا، وبنشكر حضرتك يا ريّس وكل حاجة جميلة عملتها».