مؤلف "سفاح الجيزة" يتحدث عن نهاية العمل

كتبت - فاطمة عاطف

 

تحدث "محمد صلاح العزب" مؤلف مسلسل "سفاح الجيزة" عن الفرق بين القصة الأصلية للسفاح وبين العمل الدرامي،

مؤكدًا أنه لم يقدم مسلسلًا وثائقيًا من قبل. 

 

وقال عن نهاية المسلسل : "النهاية هتكون نهاية مفتوحة علشان تسمح بوجود جزء تاني

واحنا بنتكلم دلوقتي في الجزء التاني واحتمال نشوف جزء تاني قريب". 

 

وتابع "الجزء التاني هيكون من بطولة الفنان "أحمد فهمى"، وخصوصًا أن السفاح متعدمش لسة". 

 

وتابع "العزب" خلال أحد الحوارات التي أُجريت معه قائلًا : "أنا اشتغلت على الشخصية الدرامية زي طقوسه في الطبخ

وحسيت أنه بيحب الأكل والستات فكنت عايز ارسمله شخصية درامية ليها طقوسها في الأكل".

وأكمل حديثه "اللي أخدته من الشخصية الحقيقية هي أنه شخص خير، وبيساعد الناس ونغمة موبايله كانت نغمة دينية فعلًا

، والناس كانت بتحبه وهو فعلًا عمل الجرائم بتاعته ودفن الجثث في الشقة بتاعته".

 

وذكر عند سؤاله عن عدم معرفة الجيران بجرائم السفاح قائلًا : "هو كان بيحفر وبيدفن وبيبلط

وكان بيقول للجيران أنه بيشطب الشقة وهو بالنسبة للجيران شخص فوق مستوى الشبهات"

 

وتابع "هو مش شايف أنه بيعمل حاجة غلط تمامًا هو شايف أنه بيحقق العدل مش أنه بيعمل جريمة".