أحمد العوضي في ضيافة "حبر سري"

 

كتبت - فاطمة عاطف

 

تذكر الفنان "أحمد العوضي" أحداث خمس سنوات أمضاها بعيدًا عن التمثيل، وذلك بعد مشاركته في مسلسل "الدالي"،

وكيف قاوم الاستسلام لليأس من تحقيق حلمه في النجومية.

 

كما قال "أحمد العوضي" خلال حواره مع الإعلامية "أسما إبراهيم" خلال برنامج "حبر سري" الذى يذاع عبر قناة القاهرة والناس:

"في مشكلة بيقع فيها ناس كتير، لما يكون عندك هدف والظروف تعطلك، ناس كتير ممكن تستسهل وتلوم على البيئة المحيطة،

ولو أنا طول الوقت فكرت إني بتحارب يبقى أقنعت نفسي إني ضعيف،

لكن لو أقنعت نفسي إني أكيد ناقصني حاجة هفضل أطور نفسي لحد ما أوصل".

 

وأكمل : "الخمس سنين كانوا بالنسبة لي أكيد ناقصني حاجة ومينفعش أبقى نجم دلوقتي، أو زي ما نور الشريف قال لسه وقتي ماجاش،

ولو الفترة طالت عن 5 سنين كنت هتنازل عن الموضوع، ممكن تبقى بتجري ورا سراب".

 

وأجاب ردًا على سؤال هل عمل في مجالات أخرى بعيدة عن التمثيل، قائلًا : "بعد التخرج مثلت علطول،

وبعدها أجرت عربيتي وعشت من إيجارها، واشتغلت في نادي فيديو أبيع شرايط".

 

كما رفض "أحمد العوضي" تصوير مسيرته في شكل معاناة قائلا: "مش بحب ألعب دور الضحية، أنا مولود في منطقة شعبية،

لكن مينفعش علشان من منطقة شعبية أقول كنت بنام من غير ما آكل".