ناردين فرج تتحدث عن بدايتها في مجال الإذاعة 

 

كتبت - فاطمة عاطف

 

تحدثت الإعلامية والفنانة "ناردين فرج" خلال حلولها ضيفة في برنامج "معكم " للإعلامية "منى الشاذلي" عن تفاصيل دخولها مجال العمل الإذاعي. 

 

و أوضحت أنها في البداية تخرجت في كلية التجارة بجامعة الإسكندرية، ثم تزوجت وانتقلت للقاهرة.

 

وذكرت "ناردين" إنها كانت تستمع دومًا للإذاعة وتتمنى لو أنها أصبحت من مذيعيها، فقررت دخول هذا المجال، وتواصلت مع مسئول بالإذاعة حينها،

كان صديقًا للعائلة، وطلبت منه أن تخضع لاختبار، ويروا إن كانت مناسبة أم لا.

 

كما قالت : "قلت له أنا عاوزة أجرب، اعملي اختبار وشوف لو هنفع.. ولما عملت الاختبار كان ساعتها أحمد يونس هو اللي في الراديو،

وبالصدفة كان يونس مقررة ياخد فترة ميشتغلش فيها.. فأخدوني بسرعة جدًا مكانه".

 

وتابعت : "قالوا لي هو قدامه شهر وهيمشي فلازم يعلمك خلال الفترة دي عشان تبدأي على طول، فقعدت شهر بحاله

جنب أحمد يونس بتفرج عليه ومكنش بيكلمني خالص.. لحد ما في يوم قالي اقعدي على الميكسر أنا رايح مشوار ربع ساعة وجاي،

وكان برنامج هوا، قلت له إزاي لوحدي؟ قالي اشتغلي أنا ماشي.. فطبقت اللي شوفته بيعمله والدنيا مشيت".

 

وقالت عند سؤالها عن رأيها في "أحمد يونس" : "بحترمه جدًا وبعتز بيه..

هو أول واحد علمني إزاي أقعد على ميكسر وأشغل المزيكا واتكلم واحضّر إزاي للحلقة".