نشوي مصطفى تتحدث عن مشاركتها في "إمبراطورية ميم" 

كتبت - فاطمة عاطف

أعربت الفنانة نشوى مصطفى عن سعادتها بانضمامها لأبطال مسلسل "إمبراطورية ميم" بطولة الفنان خالد النبوى، والذي سيشارك ضمن موسم رمضان المقبل. 

وكتبت عبر حسابها بـ"فيسبوك": "تحويشة العشر سنين اللي فاتت متحمسة جدًا لما كان يتعرض عليا دور مش حاساه كنت باعتذر وانا بتقطع

بس كنت باقول حقى فى المرحلة دى واللي باقى من العمر إنى أستمتع وأنا باعمل فن وإيه متعة أكبر من إنى بإذن الله أكون واحدة من فريق عمل عظيم وراقى".

وأكملت : "خالد اسمه لازم يسبقه ألف ولام بغض النظر عن حضوره اللي ربنا صارفهوله بزيادة، هو كمان ممثل هاند ميد،

ممثل يعلى أي ممثل يقف قدامه، ممثل هاوى بيذاكر وبيعيش وبيحس بمنتهى اجتهاد الممثل الهاوى وبمنتهى الاحترافية، يا بختى حقيقى". 

وتابعت : "بالمناسبة ده سادس عمل بإذن الله أمثل فيه مع خالد (( الشاطر يقول أسماء الأعمال اللي اشتغلت فيها مع خالد -

حاقول اسم العمل الأول وكنا لسه طلبة فى المعهد مسرحية البحر بيضحك ليه وللأسف متسجلتش))،

كلى ثقة فى توفيق ربنا وكرمه بإذن الله دعواتكم أكون عند حسن ظن حضراتكم".