محمد فؤاد لـ ياسمين عز: رافعة راسنا انتي على طول

كتبت - أميرة محمد 

استضيف الفنان محمد فؤاد في حلقة خاصة من برنامج "كلام الناس" مع الإعلامية ياسمين عز، على قناة "Mbc مصر".

وأعرب محمد فؤاد عن حبه لياسمين عز قائلًا: "رافعة راسنا انتي على طول، وانتي نجمة كبيرة وعاملة حالة ولازم تلاقي طوب كتير بس ربنا معاكي، مفيش حد بينجح من الهواء، وماردتش أطلع معاكي قبل كده عشان كنت تخين أوي الحمد لله انها محصلتش".

وكشف عن سبب رفضه الظهور إعلاميا، قائلًا: "الناس دلوقتي تحسي انهم بيبقوا قاصدين يخبوا الكويس ويظهروا الوحش بس وإن كان في شئ إيجابي ميتقالش ونطلع السلبي لأنه اللي بيجيب مشاهدات أو تريند أو بيلفت النظر". 

وتابع: "وده في حد ذاته دينيًا حرام وأخلاقيًا ليه مسمى مينفعش نقوله على الهواء إنما ده اللي مودينا في المصايب اللي احنا فيها ومحمد فؤاد من الناس اللي بينالهم من الحب جانب وقولت يا جماعة مش هغني غير لما اتطمن أن البلد بقت كويسة ومش هغني بالعافية مش هغني وأنا مش مبسوط".

وعن العلاقة بين الرجل والمرأة قال: "العلاقات الزوجيه اليابانية، من أنجح العلاقات في العالم، وأن المرأة اليابانيه تحترم زوجها وتقدره ، الست اليابانية بتشيل جزمة جوزها من على الباب وما ينفعش يمشي جنبها وهي شايل الحاجات".

وأضاف: "الرسول أوصانا بالنساء خيرًا، لذلك لم يكن الرجل أهم من المرأة، لكن الرجل الناجح هو الذي يحافظ على أسرته، ويراعي منزله".