إنطلاقة جديدة لمني ذكي وفيلم "رحلة 404" في عالم الفن
كتبت-أميرة الصياد
حلت الفنانة مني زكي ضيفه مع الإعلامية إسعاد يونس في برنامج "صاحبة السعادة" والمذاع على قناة DMC، وتحدثت عن بداية عرض سيناريو فيلم رحلة 404 عليها.
وقالت مني زكي: "هاني خليفة اللى جابلى الورق، وعجبنى أوى وعجبتنى الفلسفة اللى فيه، والكلام ده كان في 2013، وانبسطت أوى وكان وقتها كان المؤلف محمد رجاء لسه جديد وقلت لهاني جيبته منين".
وأضافت زكي: "وقتها أنا حملت في ابنى الوسطاني، والمشروع من هنا تعرقل وكل شوية ندور على شركة إنتاج يقول ده الورق حلو أوى بس مش هاقدر أنتجه عشان ممكن ميبقاش قريب من الناس، وهو فعلا حدوتة مختلفة لكن الفلسفة اللى فيه ممكن يكون قريب من الناس".
وتابعت: "قلت لهاني خليفة وقتها أنا عاوزة أقولك إنى حامل، قالى طيب كويس فقلت له لأ مش كويس وأنا وقتها كنت حملت كذا مرة بس كان الطفل بيسقط، فقررنا إننا نتوقف، وبعد كده كان شوية نزهق ونقول خلاص مفيش أمل مش هنعمله ونرجع نقول لأ ده فيلم حلو لازم نتمسك بيه، وفضلنا كل السنين دى لغاية لما محمد حفظي قرر يدخل في الإنتاج، ومن هنا بدأت الرحلة بجد".
والفيلم يشارك فيه العديد من الفنانين حيث الفيلم بطولة كلا من : منى زكي و محمد فراج، محمد ممدوح، شيرين رضا، خالد الصاوي ومحمد علاء مع حسن العدل، سما إبراهيم، شادي ألفونس، رنا رئيس، جيهان الشماشرجي وعارفة عبدالرسول، و تأليف محمد رجاء وإخراج هاني خليفة.