السيسي: فيه تمن اتدفع علشان البلد قعدنا 10 سنين "محاربة الإرهاب".. استباح دمنا ومستقبلنا

كتبت: زينب سعيد

ألقي الرئيس عبد الفتاح السيسي كلمه في الندوة التثقيفية الـ 39 للقوات المسلحة بمناسبة يوم الشهيد، قائلا: "أوجه لكم جميعا كل التحية والتقدير والاعتزاز واقدم لكم التهنئة بحلول شهر رمضان.. كل سنة وانتم جميعا طيبين.. اقدم التهنئة للأشقاء المسيحيين على صيامهم وربنايتقبل منا جميعا".

وأضاف: "في كل سنة زي اليوم ده "يوم الشهيد".. أنا بقول بنحتفل طول ما فيه رجال بتقدم نفسها من أجل بلدنا مصر.. وتظل حرة آمنة سالمة.. كل سنة يبقي نحتفل على مرور سنة بخير علينا".

وتحدث السيسي عن الجنرال الذهبي قائلا: "الحقيقة الكلام اللى النهاردة اتعرض سواء استشهاد الفريق عبد المنعم رياض.. وفيه حاجة لضباطنا وطلاب الكلية العسكرية.. وكان فيه يوميات عن حياة الشهيد عبد المنعم رياض.. عن مراحل حياته.. لما راح مكتبه لاقي مجهزينمكتب كويس أوي.. قال عاوز حاجة بسيطة بس "ترابيزة بس" وشيلوا السجادة دي.. توقفت جدا ادام الإجراء ده.. الاستقامة والزهد فى الدنيا هو طريق الخير الكبير أوى للناس.

وأضاف: "انا بقول الكلام ده لنفسي ولكل الموجودين.. الفريق عبد المنعم استشهد.. ودي كانت مقدمات وأن المسار والطريقة دى والنفس دى أكيد هيبقي معها خير عظيم وتنتهى أن يستشهد وياخد لقب شهيد.. نفضل كل سنة نحتفل ونتكلم عنه ونقدر مساره".

وقال الرئيس، إن حرب 67 و73 وحتى الحرب الأخيرة اللى قعدنا فيها 10 سنين "محاربة الإرهاب" اللى هي كنا بنجابه فيها فكر منحرف متطرف استباح دمنا ومستقبلنا، أنه يخرب بلدنا زى ما دول كتير اتخربت وزى ما دول كتير راحت وكان متصور انه ممكن يعمل كده.

وتابع: برضه بإخلاص ودماء ابناءنا سواء اللى استشهدوا او اللى أصيبوا، بكرر الكلام ده كتير علشان يبقا دايما فاكرين ومننساش انه فيه تمن اتدفع في البلد دي علشان تستمر وعلشان تبقا آمنة وتستمر، واللى اتعمل في رقابتنا كلنا والحفاظ عليها، والعمل أنها تطور وتطلع لقدام، ده ضريبة لازم ندفعها كلنا".