باهر دويدار عن تعاونه مع المتحدة : سعيد بالتجربة معاهم جدًا

كتبت - فاطمة عاطف

تحدث الكاتب باهر دويدار، مؤلف مسلسل "مسار إجبارى" ومسلسل "صيد العقارب"، خلال تصريحات تليفزيونية عن تعاونه مع لجنة المحتوى الدرامي بالشركة المتحدة للخدمات الإعلامية، والتي تترأسها الكاتبة الصحفية علا الشافعي.

وقال "دويدار" تصريحات تليفزيونية له، ببرنامج "الستات مايعرفوش يكدبوا" : "التجربة كانت ممتعة جدًا مع لجنة الدراما في المتحدة السنة دي، تجربة في غاية السلاسة، ما حسيناش بأي عبء في التعامل معاهم".

وتابع : "لأنهم هما عين غيرنا، اللى بيشتغل في مشروع بيكون شايف مشروعه هو بس، لكن لجنة المحتوى بالشركة المتحدة للخدمات الإعلامية شايفة كل الشغل اللى كلنا بنعمله أنا وزملائي". 

وأكمل :" فبالتالي عندهم رؤية أوسع ممكن يبقي شايف حاجة أنا مش شايفها أو ينبهني لشيء أنا مش واخد بالي منه، وبيراعي إن مفيش تشابه بين المشاريع".

كما قال : "اللجنة الدرامية بالشركة المتحدة قامت بدورها كمشرف عام من بعيد بيبص وينصح، وعمرنا ما جالنا منهم ملحوظة أو تعليق منهم ومكانش مفيد، بالعكس كل تعليقاتهم مفيدة، سعيد بالتجربة معاهم جدًا". 

وأكمل :"أنا التجربة كلها بالنسبالي السنة دي جديدة، أول مرة اشتغل مع غادة وأحمد حسن المخرج، حتى معظم نجوم العمل أول مرة أشتغل معاهم، المسلسل دا غالى عليا شوية".