فيفي عبده: الحياة صعبة ونسبة الطلاق عالية

كتبت - أميرة محمد 

أثارت الفنانة فيفي عبده الجدل بتصريحاتها حول الخيانة الزوجية خلال حوارها ببرنامج "حبر سري" مع الإعلامية أسما إبراهيم على قناة القاهرة والناس.

وقالت فيفي عبده: "الرجالة كلها بتخون واللي تقول مش بيخون وماشي على الصراط المستقيم مش صحيح، ولابد يكون الراجل عنده نزوات وبتبقى قمر وتتخان والمفروض تعمل نفسها مش عارفه".

وتابعت: "الحياة دلوقتي صعبة ونسبة الطلاق عالية جدا وهي حقها تفتش وراها وحقه يخلي باله من مراته ولكن الست لازم تفهم ولو عرفت أنه بيخونها تطنش".

وأضافت: "الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدي، وكان في ناس تحاول تشككني في جوزي ولكن مكنتش بعطي فرصة لكده".

يذكر أن آخر أعمال فيفي عبده كان مسلسل "شغل في العالي" الذي عرض عام 2022، وشارك في البطولة كل من شيرين رضا ومروان يونس.

 بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل، وتأليف حسين مصطفى محرم.