نجوى فؤاد: 6 أشهر بتعذب.. ومفيش حاجة للفنان الواحد ضيع عمره ببلاش

كتبت - أميرة محمد 

تعيش الفنانة القديرة نجوى فؤاد لحظات صعبة على فراش المرض بعد تدهور حالتها الصحية إثر معاناتها من الانزلاق الغضروفي.

أعربت نجوى فؤاد عن استيائها الشديد من عدم اهتمام نقابة المهن التمثيلية بحالتها الصحية.

وفي تصريحات لها مع الإعلامية سهير جودة قالت نجوى فؤاد: "مفيش حد من الفنانيين ولا النقيب سأل فيا، بقالي 6 أشهر بتعذب ومليش معاش". 

وتابعت: "علشان إحنا موظفين بالقطعة، مفيش أي حاجة للفنان خالص، الواحد ضيع عمره ببلاش".

وأضافت: "الدكتور أشرف زكي قالي المعاش أعتقد 600 جنيه، قولتلهم ده أنا بديهم للبواب، الرحمة من عند ربنا".

واستكملت قائلة: "ولازم يدوا الفنانيين أكتر من اللي بياخدوه دلوقتي كتير، لأن إحنا خدنا ملاليم وهما بياخدوا ملايين". 

اختتمت قائلة: "لازم يساعدوا الناس الغلابة اللي مش قادرة تجيب مضاد حيوي علشان تتعالج، لازم يبقى لينا حل".

وكانت آخر أعمال نجوى فؤاد في مسلسل "تلت التلاتة"، بطولة كل من: غادة عبد الرازق ومحمد القس والراحل مصطفى درويش، وعدد كبير من النجوم، ومن تأليف هبة الحسيني، وإخراج حسن صالح .