محمد محمود يتحدث عن "أعلى نسبة مشاهدة"فى "نجوم رمضان أقربلك" 

كتبت - فاطمة عاطف

تحدث الفنان محمد محمود خلال حلوله ضيفًا على الإعلامية إنجي على، في برنامجها "نجوم رمضان أقربلك"، عن مسلسل "أعلى نسبة مشاهدة". 

حيث قال الفنان محمد محمود عن مسلسله "أعلي نسبة مشاهدة" :"قولت قبل عرضه أنه هيكون الحصان الأسود في رمضان". 

وتابع "محمود": "عرض حلقتين من مسلسل أعلي نسبة مشاهدة قبل رمضان بيوم، زي ما يكون بتجري ريق الناس وتقوليلهم شوفوا المسلسل دا". 

وأكمل :"أعتقد لو مكنش حصل دا كنا هنتعب، في ظل المنافسة الكبير ومنطق السوق أحنا معندناش سوبر ستار اللي الناس تستناه". 

وأكمل :"الناس في رمضان بيبقوا مجهزين نفسهم هنتفرج على فلان وفلانة". 

وأضاف: "الحلقتين اللي أتعرضوا من مسلسل أعلي نسبة مشاهدة قبل رمضان خلوا الناس يتعلقوا بيه، لما قعدت في البروفات مع مخرجة أعلي نسبة مشاهدة كنت عارف إن العمل دا هينجح". 

وتابع :"وقولتلهم هنبقي الحصان الأسود لأن الموضوع اللي بنقدمه مهم وخطير، لكن تفاجأت إننا نجحنا من أول يوم عرض المسلسل، لأني كنت فاكر إن النجاح هيجي في الأخر".