جنة عليوة: مفيش مشكلة خالص مع شهد وأتمنى ليها التوفيق في حياتها الرياضية

أوضحت جنة عليوة لاعبة الدراجات في مداخلة هاتفية مع الإعلامية فاتن عبد المعبود، ببرنامج «صالة التحرير» المذاع على قناة صدى البلد، آخر تطورات أزمتها مع زميلتها شهد سعيد، قائلة: «أنا قبلت اعتذار شهد سعيد، خلاص مفيش حاجة وراضية بالقرار، طبعا الرئيس النهاردة تحدث عن إن القيم والأخلاق الرياضية دي حاجة مهمة أوي، كمان حابة أشكر وزير الرياضة، ورئيس اللجنة الأولمبية كمان».

وأضافت جنة عليوة،: « بجد أنا مسامحاها، ومفيش أي حاجة معاها، وأتمنى إنها تكلمني ومفيش أي حاجة خلاص مع شهد، وطالما أنا سامحتها خلاص مفيش قضية ولا حاجة».

وتابعت عليوة: «مفيش مشكلة خالص مع شهد، وأتمنى ليها التوفيق في حياتها الرياضية، وكمان أتمنى التوفيق للبعثة المصرية في أولمبياد باريس».

وأكملت: «أنا حسمت قراري بقبول الاعتذار، بعد بيان عدم مشاركة شهد في أولمبياد باريس، الحمد لله مرة تانية، وراضية بقرار الصلح والتنازل عن القضية».

ووجهت جنة عليوة رسالة إلى شهد سعيد، قائلة: «والله أنا بتنمالك التوفيق، وأتمنى تشاركي في أولمبياد 2028».