مصطفى غريب عن شخصيته في بريستيج: جديدة ومختلفة ومفاجأة للجمهور

شوق الفنان مصطفى غريب الجمهور لمسلسله الجديد "بريستيج" بعد نجاحه في موسم رمضان في مسلسل "أشغال شقة جدا".

مسلسل بريستيج لمصطفى غريب

وعن المسلسل قال الفنان مصطفى غريب في بيان صحفي: "شخصيتي في مسلسل "بريستيج" شخصية جديدة ومختلفة لأنها لمحامي من الأقاليم، وتفاصيل الشخصية مليئة بالتفاصيل الكوميدية وستكون مفاجأة للجمهور".

وأوضح مصطفى غريب: "أكثر ما جذبني في هذا العمل هو النص الذي كتبته إنجي أبو السعود بطريقة تجعلك تستكمل الحلقات حتى النهاية لمعرفة ماذا حدث وهي طريقة جديدة ومختلفة وتتناسب مع تيمة وفكرة المسلسل فلا يوجد مط أو تطويل في الحلقات".

مصطفى غريب

وأضاف مصطفى غريب أن "عمرو سلامة" من أكثر المخرجين اللي بيحبوا الممثل، ويريد إخراج أفضل ما عنده، ويحب النقاش والحوار وسماع كل الأراء وأعتقد أن هذا العمل سيكون مختلف بسبب النقاشات الطويلة التي تمت بين فريق العمل لإخراجه في أفضل صورة".

أحداث مسلسل بريستيج

تدور أحداث "بريستيج" حول عاصفة قوية تضرب شوارع القاهرة، مما يجبر 14 شخصا من خلفيات اجتماعية مختلفة إلى اللجوء إلى مقهى في وسط البلد، وبعد انقطاع الكهرباء وعودتها، يكتشف الجميع أن أحدهم قد قُتل، ومع تصاعد التوترات يدركون أن القاتل بينهم، وهو ما يجعل كل شخص في المقهى مشتبها به ومحققا في نفس الوقت، تتطور الأحداث في إطار من التشويق والكوميديا، بينما يحاول الجميع كشف لغز الجريمة على مدار ثماني حلقات مشوقة.

"بريستيج" أول مسلسل جريمة كوميدي من نوعه، من إخراج عمرو سلامة وسيناريو وحوار أنجي أبو السعود وإنتاج طارق نصر وشركة "ذا بلانت ستوديوز" ومن المقرر عرضه على منصة يانجو بلاي أواخر شهر أبريل.

وفى وقت سابق، عبر الفنان هشام ماجد عن استيائه من الانتقادات التي وجهت للجزء الثاني من مسلسل "أشغال شقة جدا" ومنها التنمر بسبب شخصية "مدينة من نيجيريا" التي قدمتها الفنانة السودانية إسلام مبارك، وإظهار الطبيب الشرعي في صورة سيئة.

تصريحات هشام ماجد

وقال هشام ماجد خلال لقاء ببرنامج "المشهد تاغ": "أنا مش حابب أرد على الانتقادات لأني شايف أنها مش في محلها، الكوميديا مبنية على فرضيات كتيرة على شخص عندة مشكلة ينشأ منه الكوميديا مش معقول كل ما نتكلم عن حاجة يطلع ناس في السوشيال ميديا تقول دا تنمر، تنمر في إيه الطبيب الشرعي "حمدي" دا مهمل وفاشل بس في 10 تانيين في المسلسل كويسين، في أي شغلانة في ناس كويسة وناس فشله والضحك هيطلع منين؟".

وعن حديث البعض على التنمر على الفنانة إسلام مبارك، قال هشام ماجد: "إسلام مبارك التنمر عليها كان في إيه؟ هي ممثلة سودانية من بلد شقيقة وتؤدي دور أن عندها مشكلة أنها قوية وبتاكل كتير متريقناش على تخنها ولا على أي حاجة عنصرية وكله كان في إطار الضحك وهي مكنش عندها مشكلة والجمهور 99% منه معندوش مشكلة، دايما نلاقي حد يطلع كده اعتقد أنه عايز ينتقد لمجرد الانتقادات طالما العمل مفيهوش مشكلة يلا نعمل أي حاجة، أنا بحترم النقد لما يكون في محله أو يكون بناء".

وأكمل هشام ماجد: "الموضوع نرفزني، إحنا منقصدش كله في إطار الضحك، يعني لو عملنا فيلم عن مهندس فاشل يبقى بنتريق على المهندسين، دكتور عنده مشكلة يبقى بنتريق على الدكاتره، شغاله بتعمل حاجة فئة الشغالات يزعلوا هنضحك منين؟ الكوميديا من ساعة ما اخترعوها مبنية على كده".

محمد دياب يتحدث عن "أشغال شقة" 

كشف الفنان محمد دياب عن كواليس مسلسل "أشغال شقة" الذي يلقى نجاح كبير منذ عرضه في رمضان 2024.

كتب محمد دياب عبر حسابه بموقع Facebook: "الحمد لله أشغال شقه للسنه التانيه ينجح نجاح ساحق، بس ورا النجاح ده قصه.

اشغال شقه ده لمده خمس سنين بيتعرض علي منتجين مصر كلهم ولكن مكانش فيه حماس ليه، تقريبا معظم ممثلين مصر رفضوه رجاله وستات، ولما مره نجم كبير تحمسله ومضاه فضل يطلب تغييرات لدرجه إنه في الآخر طلب إن شغل البطل يتغير وتتشال فكره الشغالات! في ناس مكانتش عاجباها الفكرة وناس كانت شايفه اننا بنكتب جد فمش هنعرف نعمل كوميدي، وناس عايزه الفكره بس اللي يخرجها حد تاني غير خالد".

وتابع محمد دياب: رد الفعل ده كان هيجنن خالد وشيرين، احساس صعب لما تبقي مؤمن بحاجه واللي حواليك مش شايفنها، ساعات ده بيشككك في نفسك، أربع سنين تعدي ومينزلش لخالد وشيرين أي مشروع، الضغط خلي خالد يقبل ان اشغال شقه يتعمل ولو بمخرج تاني، خالد لأي حد يعرفه هو اكتر انسان كوميدي تقدر تعرفه وأنا وشيرين كان عندنا قناعه انه من اشغال شقه هيطلع كوميديته الخاصه اللي هتكسر الدنيا، بصعوبة شديدة رجع خالد وشيرين يحاولوا ورا المسلسل، لغاية لما جه هشام ماجد اللي آمن بيه وبخالد كمخرج وجت شركة الإنتاج (آي برودسيرز) اللي هيأتله أسباب النجاح.

واستكمل محمد دياب: "أشغال شقة" نجح واستخدم توليفة كتابية مختلفة مش قايمة عالإيفيهات، وخالد كمخرج طلع عنده صوت وشخصية ورؤية بصرية باينة في كل مشهد، أنا طول عمري بتفرج علي كوميديا المسلسلات وابتسم كام مرة وأبقي مرضي، بس إن الواحد يضحك بصوت ولغاية لما بطنه توجعه وده يحصل كل حلقه، فمتخيلتهاش تحصل في مسلسل.

وأضاف محمد دايب: بالنسبالي المخرج والمؤلف الشاطرين هما اللي بيعملوا حاجه أحس إني معرفش أعملها وأنا لما بتفرج على "أشغال شقة" ببقي متأكد اني معرفش اعمل منه مشهد، فعلاً كل تأخيره وفيها خيره.

مسلسل "أشغال شقة"

هو من بطولة هشام ماجد، أسماء جلال، شيرين، سلوى محمد علي، مصطفى غريب، وآخرين ومن تأليف خالد وشيرين دياب، وإخراج خالد دياب.