فصول

 

بقلم _ أسامة محمد 

 

وياما تعدي في حياتنا

فصول وفصول

وقصة لو هنحكيها

كلامها يطولنا

لكن بالمختصر عشنا

بروح إنسان

بيغلط آه

وبيتوب تاني للرحمن

وأيام دايرة مع أيام

ساعات نفرح

ساعات نجرح

وطعم الفرحه والأحزان

ذنوب في ستاير النسيان

وطول العمر نتمنى

نعيش في أمان

ومين فينا ما يعرفش

بإن الدنيا دي فانية

ولا يمكن هنفهمها

بدون ما نحس بالإيمان

وكل الناس أكيد شربت

مرار حرمان

مزيج من خوف مع حيرة

وأحداث مرة وخطيرة

نجاة المحنة بالإحسان

وبقلوب راضية وبصيرة

وأنا إنسان ضعيف جداً

ويوم العرض أكون فرداً

ولا ينفعني غير عملي

ورحمة عظيمة من ربي

شفاعة من حبيب قلبي

محمد خير خلق الله

وفي حياتي أنا محتاج

لرحمة ربنا الستار

ولا لينا في قدرنا قرار

وربك خالق الأقدار

وبعد الليل هييجي نهار

و شمس تدفي أيامنا

نحقق فيها أحلامنا

و بكرة يبقى قدمنا

و لينا قرار

و طول ما العمر عايشينه

و كل عملنا حاسبينه

مفيش أعذار