"كله فالصو" أغنية جديدة تجمع أحمد سعد وبهاء سلطان 

 

كتبت - فاطمة عاطف

 

أصدر النجم أحمد سعد عبر قناته الرسمية بموقع الفيديوهات الشهير "يوتيوب"، أغنية "كله فالصو" من فيلم "عصابة عظيمة"، ويشاركه الفنان بهاء سلطان.

 

تعد أغنية "كله فالصو" من كلمات فلبينو ومصطفى البرنس، وألحان وتوزيع أحمد طارق يحيى، وجاءت كلماتها كالآتي :-

 

لوتيجى سيرتك قدامى

بفضل أقول أنا مش هشتاق

و دقيقة وارجع ف كلامى

ليه هو أنا برج الجوزاء؟

ولا أنا واقع في عصابة

ولا أنا عندك بتغابه

ولا إنت سوقت في الحلاوة وخليت الحلوين .. خليت الحلوين

خليت الحلوين غلابة

كله فالصو وكله Fake

إلا بس جمال عينيك

كله نازل نقش فيك

وإنت أصلي ختمك عليك

كله في الجمال ده صيني

وإنت بس اللي قاريني

ولا حاجه تملى عيني

غيرك ياللي العين عليك

 

باسخن وحرارتي بتعلى

أنا ولا خط الاستواء

افتحلي بس سكة

وإحنا هنوصل لاتفاق

مصروفلك حُسن غالي

مستورد سعره عالي

وأنا على قد حالي

وماشي جنب الحيط ... ماشي جنب الحيط

أنا ماشي جنب الحيط .. بلالي

 

ويأتي فيلم "عصابة عظيمة" من المقرر طرحه بتاريخ 4 يناير المقبل بجميع دور العرض في مصر والوطن العربي.

 

وتدور أحداث الفيلم في إطار كوميدي حول شخصية عظيمة، وهي امرأة ذكية في أواخر الخمسينات من عمرها فقدت بصرها نتيجة حادث،

ولكنها تتغلب على ذلك بقوة البصيرة، ويتسبب ابنها الساذج في مشكلات تؤدي إلى احتمال خسارة منزلها الذي يعد آخر ما تملكه.