"اصمدوا وحولوا الظروف القاسية إلى منحة"..أبرز تصريحات السيسي في مؤتمر حكاية وطن 

كتبت- بسملة محمد

أقيم أولى جلسات مؤتمر حكاية وطن بين الرؤية الإنجاز في العاصمة الإدارية، أمس السبت، والتي شهد على انجازات الرئيس عبد الفتاح السيسي خلال فترة توليه منصب رئيس جمهورية مصر العربية.

وكان حديث الرئيس في مؤتمر حكاية وطن، يتضمن رسائل هامة للمصريين، لعل أبرزها حديثه عن الدولة المصرية قبل 2011 وحجم الإنجازات التي حدثت في عهده منذ 2014 حتى الآن.

وبدأ السيسي حديثه بتوجيه رسالة للشعب المصري، قائلاً: "كلمة واحدة عاوز أقولها للناس ده اللي إحنا عملنا وعندكم فرصة في الانتخابات الرئاسية اللى جاية عندكم فرصة للتغيير حد يقول كده أه بقول كده الأمر كله لله اللي ليه حاجة ياخدها".

واضاف الرئيس: "بقول من أول الكلام دي دولة ومشكلتها في السنين اللى فاتت هزوا ثقة الناس فينا ثقة الناس في نفسهم الناس استكتروا على نفسهم طريق وكوبري، قال لك كتير ده لسه بدري قوي لسه بدري قوي من العمل والجهد والمثابرة البناء والتنمية والتقدم تمنه الجوع والحرمان اوعوا يا مصريين مش تقدموه تم زرع التشكيك داخل المواطن تجاه الوطن".

وانتقل حديثه حول ما يحدث حول ازدواج قناة السويس، قائلا: "الكلام ده كان بيتعمل وأنت مش بس بتحارب إرهاب أنت عندك أبواق كذب وافتراء وشائعات شغالة تقدح في كل إجراء ومسار تعمله أنت كمان مش محل تقدير من ناسك اللى بتعمل لأجل خاطر ربنا وخاطرهم لا ده كمان بيتم الإساءة لك والإساءة إلى مسؤوليك هما وأسرهم".

وتابع الرئيس السيسي: "مفيش حاجة بتروح عند ربنا كل كلمة كدب وإساءة ليها أجر بنؤمن بالله هنقف ونتحاسب واللي هيحاسب ربنا اللى لا بيغفل ولا بينام وكل تفاصيل المكر والإفك على مصر خلال الـ 10 سنوات اللى فاتت امتداد لبناء حالة من عدم الثقة للإنسان المصري تبقى جزء من الشخصية المصرية تبقى متشككة غير واثقة في نفسها وبلدها بناء فكر وجداني اتعمل خلال 40 و50 سنة ويعتقدون أنهم يقدروا يبنوا أمة ولا تبنى إلا بالبناء والإصلاح فقط لا على الخراب ولا الإساءة ولا بالتشكيك ولا الظلم ولا بالهدم لما أقول عمل عمله مسؤول إنه منقوص أو فاسد بظلمه وبظلم جهده وعمله وبحط على العمل بتاعه تراب". 

وأكمل: "البلاد تكبر وتنمو بالعمل والشقاء والتضحية والإخلاص والأمانة وليس بالكلام، وايراد الدولة أقل من إنفاقها لذلك نحن بحاجة إلى زيادة مواردناو الدولة خسرت 450 مليار دولار خلال الفترة من 2011 وحتى 2013، ومستعد أن أتكبد ثمن بناء مصر حتى وإن كان موتي، في 2014 واحد قالي أنت أيقونة مصر، أنت بطل مصر أوعى تخش في المسؤولية، أصل بعد كده هيقطعوك رديت عليه وقلت له لو كان بناء الدولة هيخليهم مش يقطعوني لا كمان يموتوني، أنا هعملها وأخش".

وواصل السيسي حديثه حول قناة السويس الجديدة قائلاً: "كانت محاولة لإعادة الثقة المفقودة والأمل الضائع لدى المصريين والفكرة مش إنك تعمل ازدواج فقط علشان تحقق المسار الاقتصادي، لكن الهدف كان استعادة الثقة في الناس اللي هما بيحاولوا دلوقتي أنهم يهزوكوا فيها، لم يتم تغطية التطوير الإداري الكبير والعمل داخل العاصمة الإدارية بالشكل المطلوب في الإعلام، وأنا هروح مجلس الوزراء في العاصمة الإدارية، ويتم تنظيم زيارات لضيوف المؤتمر من أجل التعرف على المقرات الحكومية، مش عاوزين تجبوه في الإعلام كويس، حلم المصريين أكبر من كده، اوعى يكون حلمك لقمة".

وأكمل: "أن هناك حوار وطني بناء وكلام عن حلول للأزمات وكنت أتمنى أن تكون المشاركات فيه بشكل أكبر، المؤامرة الحقيقية ضد أي وطن هي الجهل والتخلف، البعض يوجه جهده لتوجيه الناس للخراب".

واضاف: "تكلفة المعاشات حتى 2050 حوالي 45 تريليون جنيه سيتم دفعها من ميزانية الدولة، و الدولة ستدفع 45 تريليون جنيه في المعاشات في حوالي 50 سنة مقبلة بسبب خطأ في فترة سابقة، والدولة لم تدخل في مغامرة واحدة خلال السنوات الماضية، لم نغامر بمصر والمصريين في مغامرة واحدة التنمية والإصلاح ليست مغامرة".

وأختم: "اصمدوا وحولوا الظروف القاسية إلى منحة، ليه ظروفنا صعبة، ظروفنا صعبة دائما، بنقول من سنة 80 مش الهدف الدفاع عن نفسنا، بنقرر واقع ونقول للناس إيه الحكاية، بنقول الحكاية علشان لازم نتخلص منها، لما هي دولة من سنة 80 لغاية دلوقتي دائما عندها عجز، بقول للمواطن ببساطة دخلي (دخل مصر وإيراد مصر) مش قد مصروف مصر".