محمد رمضان يطرح قطتي مبتخربش عبر اليوتيوب

نشر الفنان محمد رمضان أحدث أعماله عبر قناته الرسمية في موقع يوتيوب بعنوان "قطتي مبتخربش".

وتبدأ أغنية "قطتي مبتخربش" بهذه الكلمات:

ناس شرياك وناس مشترتش

اللي معاك واللي مكملش

قلبي شافها دق مقاومش

عيني زيها والله مشافتش

حيران بسأل نفسي ازاي هو في قطة مبتخربش

أنا قطتي مبتخربش .. مبتخربش .. مبتخربش

أنا قطتي مبتخربش .. مبتخربش .. مبتخربش

حبك نساني أي حد تاني

يا منور حياتي وأنا بين إيديك

حلوة الليلادي لا لا مش عادي

حبه شكل تاني .. ده اللي روحي فيه

عيونا نفس اللون .. معاك في كل مكان

ليلى أنا المجنون .. بحبك من زمان

بتوه في بحرك ليه ؟ بعوم في نفس الموج

حبيبي شط عينيه .. أنا نفسي أرسى عليه

محمد رمضان يشارك في مهرجان كوتشيلا

يذكر أن محمد رمضان يشارك في مهرجان كوتشيلا، للموسيقى والفنون والذي يقام في نادي إمباير بولو بمدينة إنديو بولاية كاليفورنيا، وذلك على مدى عطلتين في نهاية الأسبوع، الأولى من 11 إلى 13 أبريل، والثانية من 18 إلى 20 أبريل 2025.

مشاركة محمد رمضان في رمضان 2025

وفي وقت سابق، شوق الفنان محمد رمضان جمهوره لمفاجأة يحضرها لهم وهي تواجده في رمضان 2025.

لم يكشف محمد رمضان أي تفاصيل إن كان يظهر في إعلان أو برنامج أو ضيف شرف في مسلسل" واكتفى بالإعلان عن مشاريعه الجديدة في عام 2025 ومنها تواجده في رمضان.

ونشر محمد رمضان فيديو تحدث فيه إلى جمهوره وقال: "كل سنة وأنتم طيبين وإن شاء الله تكون سنة جميلة عليكم وتكون كلها أخبار حلوة واحتفالات ونجاحات، وتشوفوا أسد أخيرا في 2025، وتشوفوني في كوتشيلا في أبريل، وفي مفاجأت كتير أهمها أنكم هتشوفوني في رمضان 2025".

وأكمل محمد رمضان: "استنوني يوم 18 يناير في السعودية وحشوني الجمهور السعودي وأشوفكم على خير وبخير".

فيلم أسد

يذكر أن محمد رمضان ينشغل في تصوير أحدث أفلامه "أسد".

وينتمي فيلم "أسد" لنوعية الأعمال التاريخية، حيث تدور أحداثه في عام 1280، إبان عصر المماليك، حين قاد العبيد ثورة ضد الجيش العباسي.

الفيلم من إخراج محمد دياب، وتأليف خالد دياب وشيرين دياب ومحمد دياب، ويشارك في بطولته إلى جانب محمد رمضان، ماجد الكدواني، رزان جمال، وكامل الباشا، وأحمد خالد صالح، وأحمد عبد الحميد.

طرح أغنية أنا البلد

طرح الفنان محمد رمضان عبر قناته الرسمية في موقع يوتيوب أحدث أعماله الغنائية بعنوان "أنا البلد".

أغنية "أنا البلد" من كلمات مصطفى حدوتة، وألحان وتوزيع كلوبيكس، وتبدأ بهذه الكلمات:

انا حاطط عاللي حطوا عليك

ومزعل اللي مزعلك

كاسر عين اللي كسروا عينيك

ومشغل اللي مشغلك

بلعب باللي لاعبين بيك

جاي تنافس مين يالا ؟

أنا فوق فوق الناس اللي فوقيك

وكبير كبيرك يبقى أنا

أنا البلد يابن البلد .. أساسي يا كمالة عدد

لما أجي تحسوا بهدد .. ولد .. أسد

جه الملك رفع العلم .. تاريخي خلص كام قلم

لما أجي تحسوا بآلم .. علم .. هرم

وكتب محمد رمضان عبر موقع التواصل الاجتماعي "فيسبوك": «أنا البلد.. أنا البلد، تقدر تسمعها كاملة الساعة 4 واكتب هناك رأيك أولاً، ثم موجهة لمين؟! السحب على أول ألفين كومنت».

مسابقة محمد رمضان الجديدة

ثم أعاد محمد رمضان نشر بوستر الأغنية وكتب عليه: «سؤال الخمسة مليون للأسف محدش جاوب صح ودي فرصة تانية دي مسابقة الأربعة مليون اسمعها وأكتب أغنية (أنا البلد) موجهة لمين؟! نفسي أكسب حد من جمهوري».

وفي وقت سابق أعلن محمد رمضان عن مسابقة ضخمة تبلغ قيمتها 5 ملايين جنيه مصري، حيث سيحصل الفائز على هذه الجائزة مقابل تخمين اسم الأغنية بشكل صحيح.

وقد تفاعل جمهور رمضان بشكل كبير مع حملة الترويج للأغنية، حيث أطلقوا العديد من التوقعات حول اسم الأغنية..