هالة صدقي: ابني بيحب الفن ومش حابه يتقال دخل الوسط عشان مامته

تحدثت الفنانة هالة صدقي خلال لقائها في برنامج "عرب وود" عن شرطها لدخول ابنها مجال التمثيل، قائلة: "ابني نفسه أوي لكن مش دلوقتي شوية لازم يخش ورشة عشان هو لسه صغير ميدخلش الجامعة".

وتابعت هالة صدقي: "بس هو تفوق جدا وبيعمل مسرحيات في المدرسة وإنجلترا بعتوله فريق يصوره في المسرحية اللي عملها لأنها كانت One Man Show ".

وأكملت هالة صدقي: "هو مركز أوي في الفن والمسرح بس برضو محتاجة إني أدعمه أنه يدخل ورشة لأن مش حابه يتقال دخل الوسط عشان مامته لأ".

يذكر أن هالة صدقي تشارك في رمضان 2025 بمسلسل "إش إش".

تحدثت الفنانة مي عمر عن تفاصيل تحضيراتها لمسلسل "إش إش" موضحة أنها تدربت على الرقص، قائلة خلال لقائها ببرنامج "تفاعلكم": "قبل المسلسل مكنتش بعرف أرقص وفضلت 6 شهور أتعلم عشان لازم للشخصية".

تصريحات مي عمر

وكشفت مي عمر أنها خسرت الوزن الزائد الذي كانت اكتسبته من أجل شخصية "نعمة الأفوكاتو" قائلة: " أنا رجعت لوزني الطبيعي لأني كنت في نعمة تخنت شوية عشان الدور، بعدين رجعت لوزني لأن الدور لازم تبقى البنت رفيعة لأنها بتشتغل راقصة".

وتحدثت مي عمر عن مسلسل "إش إش" والشخصية التي تقدمها وقالت: "أكتر حاجة عجبتني في الدور أن "شروق" رقاصة ومامتها وخالتها راقصات، هو العالم بتاعها دا لكن هي رافضاه وعندها طموح آخر، ولما حصلها مشكلة في حياتها فهي متربية في العالم دا ومتأثرة بيه جدا، حتى لبسها هو محافظ بس فيه الروح بتاعتهم مش بتلبس كطالبة جامعية، طريقة كلامها كان ممكن تتغير لو الحياة أدتها الفرصة دي والموقف اللي حصل معاها بسبب أن هو استحلها عشان بتشتغل رقاصة مع أنها كانت رافضة دا ومتستاهلش اللي حصل فإحنا بنناقش أن مش لازم نحكم على حد من برا مش عشان بتشتغل كذا متكونش كويسة"

ردت الفنانة مي عمر على الاتهامات التي وجهت لمسلسلها "إش إش" بنشر أفكار تهدم المجتمع ومخالفة قوانينه.

وقالت مي عمر خلال لقائها ببرنامج "تفاعلكم": "أنا أرفض أني أقدم أي حاجة مخالفة لقوانين المجتمع أو بتهدم أفكاره، وأتحدى أي حد يقولي أن المسلسل بيهدم قيم المجتمع، يمكن الفكرة دي كانت اتاخدت لما شافوا البرومو وأخدوا جملة وقالوا إيه دا، لكن لما يتفرجوا على المسلسل هيلاقوا أن الجمل بتتقال في سياق آخر".

وتابعت مي عمر: "إحنا عندنا قصة اجتماعية مفيش أي حاجة خادشة ولا مشهد خادش، وحتى الرقص معمول باحترام شديد والبدل معموله باحترام شديد، إحنا بنحترم المجتمع والجمهور وعاملين مسلسل بجد فيه دراما حلوة".

وعن لغة الحوار بين الأبطال في المسلسل قالت مي عمر: "الألفاظ هو في الآخر مجتمع مختلف مجتمع راقصات فأكيد ليهم لغة مختلفة غير لو عملتي محامية أو دكتورة، هما ليهم اللغة بتاعتهم اللي لازم تستخدميها عشان تحسي باختلاف الشخصية، لو خليتها تتكلم زي "نعمة" أو أي دور عملته هيبقى إيه الفرق، لكن المسلسل عدى على الرقابة وواخد تصنيف (+18)، مينفعش حد يتفرج ويقول أصل بنتي عندها 5 سنين فسمعت لفظ، حتى الألفاظ مفيش حاجة جريئة أو خادشة لكن هي مناسبة مع البيئة اللي عايشين فيها".

مواعيد عرض مسلسل "إش إش"

ويعرض مسلسل "إش إش" في تمام الساعة 10 مساء عبر قناة MBC مصر، والإعادة الساعة 3 عصرا، إلى جانب عرضه عبر منصة شاهد.

قصة مسلسل "إش إش"

تدور أحداث مسلسل "إش إش" حول فتاة ترث من والدتها الجمال والفقر تُدعى "إش إش"، وتجد نفسها مضطرة أن تعمل كراقصة، وتدخل إلى عائلة الجريتلي عن طريق الصدفة، لتكتشف أن ما تمر به ما هو إلا امتداد لأسرار مدفونة داخل هذه العائلة.

أبطال مسلسل "إش إش"

مسلسل "إش إش" من بطولة مي عمر، ماجد المصري، انتصار، إدوارد، هالة صدقي، دينا، شيماء سيف، طارق النهري، عصام السقا، علاء مرسي، محمد الشرنوبي، ندى موسى، إيهاب فهمي، حمدي هيكل، أحمد عبدالله، وعدد من ضيوف الشرف وهم: محمد ممدوح، خالد الصاوي، كريم فهمي، محمد عبدالرحمن، أحمد زاهر، والعمل من تأليف وإخراج محمد سامي.