«ذكريات الطفولة» تامر حسني يوجه رسالة عاطفية لـ رمي صبري

أدهش الفنان تامر حسني، جمهوره بالرد على منشور الفنان رامي صبري عبر صفحته على موقع التواصل الاجتماعي "فيسبوك".

صاحبي من أيام الطفولة

وكتب تامر حسني: "حبيبي يا رامي إنت قبل ما تكون نجم كبير ومُهم إنت صاحبي من أيام الطفولة، ودي حاجات الناس متعرفهاش ويمكن مكنش في فُرصة نحكي ده قبل كده.. إنت يا رامي صاحب عُمر ومشوار مشيناه من الطفولة وأنا في الصورة ماسك المايك لأخويا ولصوت مصري عظيم يستحق".

تامر حسني يشكر رامي صبري

وتابع تامر بقوله: “شُكرًا يا حبيبي على كلامك الغالي اللي من القلب أنا فعلًا اشتغلت معاك من كل قلبي وبكُل حرص علينا إحنا الاتنين بكُل التفاصيل بدافع الحُب والصداقة وإن ربنا يكرمنا مع بعض، اعتقد إن التعاون ده هيحمس كُل جيلنا إنه يعمل أفكار مشاركة كده وأنا بنادي بيها من زمان من أيام تامر وشيرين وبعدها تامر وبهاء في أغنية قوم اقف أنا وأنت بعدها اتكلمنا من سنين عشان نجمع البعض من جيلنا وعملنا المستحيل وللأسف معرفناش فقولنا نبدأ بنفسنا عشان نحمس الكُل”.

جمهورنا ويستاهل يفرح

واختتم  الفنان تامر حسني بقوله: "حقيقي جمهورنا يستاهل مننا كُل الجديد وكل المُفاجآت إللي تفرحه والمطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم إنتظروا  كليب فعلًا مبيتنسيش بيني وبين أخويا النجم الكبير رامي صبري باشا".

رامي صبري يعلق على صورته مع تامر حسني

يذكر أن، كان قد علق الفنان رامي صبري علي صورة له رفقة، الفنان تامر حسني عبر صفحته على موقع التواصل الاجتماعي فيسبوك.

وكتب رامي صبري:"أنا بشوف الصورة دي بشكل تاني خالص..أولًا تامر فنان أخ وغالي ومحترم "وواثق في نفسه"، ودي للاسف مش موجودة كتير في مغنيين كتير ناجحين ولكن عندهم مشاكل كبيرة".

رامي صبري: تامر حسني فنان كبير جدًا جدًا

وتابع رامي صبري: "ومايعرفوش يبقوا زي الراجل المحترم اللي ماسك المايك ده تامر حسني فنان كبير جدًا جدًا ولما اشتغلت أنا وهو في الديو اللي هاينزل الفترة اللي جاية فهمت هو ليه محبوب جدًا.. أولًا علشان عنده صفاء نفسي مش موجود عندي أنا شخصيا".

وأضاف رامي صبري: “اه والله أنا دايمًا ليا رد فعل إنما هو بيسيب الحاجات زي ماهي وما بيحبش يرد ودي حاجة صعبة جدًا جدًا.. عاوز أقول مش كل فنان أو نجم يستحق.. لأن دايما الأخلاق واحترام زمايلك هو الموضوع مش بس الفن”.

رامي صبري يوجه الشكر لتامر حسني

واختتم: "شكرًا تامر حسني على ذوقك واحترامك ليا دايما في التصوير ودايما كنت تقولي انت مبسوط ايه رايك محتاج حاجه ؟ كل ده ماينفعش يطلع غير من فنان حقيقي عنده احساس بالناس والأهم واثق من نفسه  قريبًا جدًا هتشوفوا وهاتسمعوا أغنية" فعلًا مبيتنسيش"، على جميع منصات الموسيقى في العالم".

آخر أعمال رامي صبري

جدير بالذكر، أن آخر أعمال رامي صبري، طرحه لأغنية «بحكي عليكي» عبر حسابه الرسمي بموقع الفيديوهات «يوتيوب»، والتي تصدر من خلالها التريند لفترة طويلة.

واحتفل رامي صبري، بتصدر أغنية «بحكي عليكي»، التريند على جميع منصات الموسيقى في الوطن العربي.

ونشر رامي صبري، عبر حسابه على موقع التواصل الاجتماعي «إنستجرام»، مقطع فيديو للأغنية من حفله في جدة، وعلق: «وملهاش طعم أيامي بطيء الوقت مبيمشيش، أغنية بحكي عليكي من حفل جدة 2024 تريند بالوطن العربي على جميع المنصات».

ألبوم أنا جامد كده كده لـ رامي صبري

يضم ألبوم «أنا جامد كده كده»، لـ رامي صبري، عددا من الأغاني من بينهم الأغنية الرسمية التي تحمل نفس اسم الألبوم، وهي من كلمات تامر حسين، وألحان رامي صبري، وتوزيع جلال الحمداوي، وأغنية «كداب» كلمات عمرو المصري، وألحان وتوزيع عمرو الخضري، وأغنية «على بالي» كلمات مصطفى مدكور، وألحان محمد على ورامي صبري، وتوزيع محمد يسري.

آخر أعمال تامر حسني

من ناحية أخرى، ينتظر تامر حسني وهنا الزاهد عرض فيلمه «ري ستارت»، الذي يعد التعاون الثاني بينهما بعدما قدما معا فيلم «بحبك» الذي تم عرضه في عام 2022، ومن المقرر عرض الفيلم في موسم عيد الفطر المقبل.

أبطال فيلم ري ستارت

يضم فيلم ري ستارت، في بطولته، عدد من نجوم الفن بجانب تامر حسني، وهم: هنا الزاهد، باسم سمرة، ومحمد ثروت، وجاري التعاقد مع باقي أبطاله في الفترة الحالية، والعمل من تأليف أيمن بهجت قمر وإخراج سارة وفيق.

وعرض لـ الفنان تامر حسني، بدور العرض السينمائية فيلم «تاج»، وذلك خلال موسم أفلام عيد الأضحى، وحقق نجاحا كبيرا بيت الجمهور، ودارت أحداث الفيلم حول حياة التوأم تاج وهارون، اللذان يمران بالعديد من الأزمات، ومع امتلاكهما لقدرات خارقة، تتسبب في وقوع العديد من المفارقات لهما.